میٹا نے واٹس ایپ گروپس کیلئے دلچسپ فیچر متعارف کروا دیا
یوتھ ویژن نیوز : میٹا کی جانب سے واٹس ایپ میں نئے فیچرز کو متعارف کرانے کا سلسلہ جاری ہے۔
حالیہ چند ماہ کے دوران میٹا کی جانب سے واٹس ایپ میں متعدد نئے فیچرز متعارف کرائے گئے ہیں۔ نئے فیچرز میں اسکرین شیئرنگ، انسٹنٹ ویڈیو میسج، ایچ ڈی فوٹوز اور ایڈٹ میسج وغیرہ فیچرزشامل ہیں۔ اب میٹا کمپنی نے واٹس ایپ گروپس کو بہتر بنانے کے لیے ایک نیا فیچر متعارف کروا دیا ہے۔
یہ بھی پڑھیں: کوئی کسی کو بلاک نہیں کرسکےگا، ٹوئٹرنے بلاک فیچرختم کرنےکااعلان کردیا
واٹس ایپ کے نئے فیچر سے گروپس کو بغیر کسی نام کے بنانا ممکن ہو جائے گا۔میٹا کے مالک مارک زکربرگ کے مطابق یہ ایک سادہ فیچر ہے مگر بہت کارآمد ثابت ہوگا۔
اس وقت ایک واٹس ایپ گروپ بنانے کے لیے نام رکھنا ضروری ہوتا ہے مگر اب اس کی ضرورت باقی نہیں رہے گی۔
مگر اس فیچر کو استعمال کرنے پر واٹس ایپ گروپ میں لوگوں کی بہت کم تعداد کو شامل کرنا ممکن ہوگا۔ابھی ایک واٹس ایپ گروپ میں 1024 افراد کو شامل کیا جا سکتا ہے مگر بے نام گروپ میں محض 6 افراد شامل ہوسکیں گے۔
اس طرح کے گروپس کو کمپنی کی جانب سے گروپ میں شامل افراد کے ناموں پر کوئی نام دے دیا جائے گا۔مگر ہر فرد کے سامنے گروپ کا نام مختلف نظر آئے گا اور اس کا انحصار اس بات پر ہوگا کہ دیگر اراکین کے نام ان کے فون میں محفوظ ہیں یا نہیں۔
یہ بھی پڑھیں: چندریان3 چاند پر لینڈ کر گیا،
یعنی اگر آپ کسی بے نام گروپ میں شامل ہوتے ہیں اور اس کے اراکین کانٹیکٹ کے طور پر محفوظ نہیں، تو آپ کا فون نمبر گروپ کے نام طور پر نظر آئے گا۔اس سے عندیہ ملتا ہے کہ یہ فیچر دوستوں اور گھروالوں کے لیے متعارف کرایا گیا ہے۔
میٹا کمپنی کی جانب سے چند ہفتوں کے دوران یہ فیچر دنیا بھر میں عام صارفین کے لیے متعارف کرا دیا جائے گا
