عام انتخابات کےانعقاد کیلئے پی ٹی ائی نے نگران وزیراعظم کوخط لکھ دیا
یوتھ ویژن نیوز : انتخابات کے انعقاد کا معاملہ،پاکستان تحریک انصاف90 روز کی آئینی مدت میں انتخابات کروانے کیلئے نگران وزیر اعظم انوارالحق کاکڑ کو خط لکھ دیا۔
تفصیلات کے مطابق خط پی ٹی آئی کے وائس چیئرمین شاہ محمود قریشی کی جانب سے لکھا گیا ہے ،شاہ محمود قریشی نے کور کمیٹی کی ایما پر نگران وزیر اعظم انوار الحق کا کڑ کو خط تحریر کیا۔
یہ بھی پڑھیں: الیکشن کمشن نے سابق وزراعظم سیمت کابینہ ارکان سے سرکاری گاڑیاں واپس لینے کا حکم دے دیا
وائس چیرمین پاکستان تحریک انصاف شاہ محمود قریشی نے انوار الحق کاکڑ کو اسلامی جمہوریہ پاکستان کے نگران وزیراعظم کا عہدہ سنبھالنے پر آپ کو مبارکباد دی، اور کہا کہ ملک کا دستور مکمل تباہی کے دہانے پر کھڑا ہے،سابق حکومت نےریاستی اداروں کو آئین پر چلانےکی بجائے، اپنی جگہ بنانے اور اپنے آپ کو احتساب سے بچانے کیلئے ایک کے بعد ایک حربہ استعمال کیا،
سابق حکومت کے اس طرزِ عمل نے ریاست کی بنیادوں کواندر تک بے پناہ نقصان پہنچایا،سابق حکمرانوں نے پاکستان تحریک انصاف کو انتخابی دوڑ سے باہر کرنے کی نیت سے ریاستی اداروں اور ریاستی مشینری کا بے دریغ استعمال کیا
وائس چیرمین مخدوم شاہ محمود قریشی نے لکھا کہ چیئرمین پاکستان تحریک انصاف عمران خان کو اٹک جیل میں نہایت ہی گندے اور انسانیت سوز حالات میں رکھا گیا ہے،چیئرمین پاکستان تحریک انصاف اور سابق وزیر اعظم عمران خان کی گرفتاری اور اٹک جیل میں ان سے روا رکھا جانے والا سلوک کسی بھی ملک کے انتظامی اور عدالتی نظام کے چہرے پر ایک بد نما داغ ہے،
یہ بھی پڑھیں: دریائے ستلج پانی کی آمد فلڈ وارننگ
چیئرمین پاکستان تحریک انصاف کو آئین اور جیل قوانین میں فراہم کردہ بنیادی حقوق سےمحروم رکھا گیا ہے ،چیئرمین پاکستان تحریک انصاف کو آئین اور جیل قواعد و ضوابط کے مطابق بنیادی حقوق کی فراہمی کے لیے فوری اقدامات کیے جائیں
شاہ محمود قریشی نے کہا کہ پولیس کو بلا روک ٹوک گھروں میں داخل ہونے اور املاک کو نقصان پہنچے کے ساتھ تباہ کرنے،خواتین ، بچوں، بزرگوں کے ساتھ بدسلوکی کرنے کے اختیارات دیے گئے ہیں،پاکستان تحریک انصاف کے 10 ہزار سے زائد کارکنان پابند سلاسل ہیں،عدالتوں کے آئینی احکامات کی توہین کی جاری ہے،ملک پاکستان کو ایک بار پھر سے آئین و قانون کی راہ پر چلانے کا وقت آن پہنچا ہے،
جمہوریت کی بنیاد ملک کے شہریوں کے ووٹ کے حق پر استوار ہے،دستور اسمبلی کی قبل از وقت تحلیل ہونے کی صورت میں ائین پاکستان 90 روز میں انتخابات کے انعقاد کا حکم دیتا ہے،لہذٰا ہمارا پر اصرار مطالبہ ہے کہ آپ انتخابات کے بروقت انعقاد کو یقینی بنائیں اور یہ اپ کی ائینی ذمہ داری بھی ہے ۔وائس چیرمین شاہ محمود قرشی نے اپنے خط میں مزید لکھا کہ پاکستان کی مشترکہ مفادات کونسل کی جانب سے نئی مردم شماری کے نتائج تاخیر سے منظور ہونے کے بعد نئی حلقہ بندیوں کے معاملے کو عام انتخابات میں التوا کیلئے ہرگز بہانا نہیں بنایا جا سکتا،
یہ بھی پڑھیں: نگران حکومت نے پہلے ہی دن عوام پر پٹرول بم گرا دیا ،قیموں میں اضافے کا نوٹی فیکشن جاری
ہم مشترکہ مفادات کونسل کے فیصلے کو عدالت میں چیلنج کرنے کا ارادہ رکھتے ہیں،عام انتخابات کی ساکھ کیلئے لازم ہے کہ فریقین کو انتخابی مقابلے کیلئے مساوی میدان فراہم کیا جائے،موجود حالات میں آپ کا منصفانہ طرزِعمل جمہوری اقدار پر عوام کے اعتماد میں پختگی و تقویت کا موجب بنے گا،ہم آپ کو سونپے جانے والے اس عظیم فریضہ کی انجام دہی میں آپ کو اپنے تعاون کا یقین دلاتا ہوں ۔