ثقلین مشتاق کا ریکارڈ ٹوٹ گیا
یوتھ ویژن نیوز ( عاقب غوری سے ) آسٹریلیوی فاسٹ بولر مچل اسٹارک نے پاکستان کے سابق اسپنر ثقلین مشتاق کا ورلڈ ریکارڈ توڑ دیا ہے۔ ثقلین مشتاق اس وقت پاکستان کے بولنگ کوچ بھی ہیں۔ تفصیلات کے مطابق مچل اسٹارک نے زمبابوے کے خلاف کھیلے گئے تیسرے ون ڈے میچ میں ریکارڈ اپنے نام کیا ہے۔
یہ بھی پڑھیں: پاکستان کی ہانگ کانگ کیخلاف تباہ کن باؤلنگ،155رنزسےجیت نام کرلی
مچل اسٹارک نے زمبابوے کے ریان برل کو آؤٹ کر کے 200 تیز ترین وکٹیں حاصل کرنے کا عالمی ریکارڈ اپنے نام کر لیا ہے مچل اسٹارک نے 102ویں ون ڈے میچز میں 200 وکٹیں حاصل کی ہیں جس کے بعد وہ وہ ون ڈے انٹرنیشنل کرکٹ میچز میں وکٹوں کی ڈبل سنچری کرنے والے تیز ترین بولر بن گئے ہیں پاکستان کی جانب سے ثقلین مشتاق نے یہ اعزاز 104میچز میں حاصل کیا تھا۔ یہ کارنامہ بریٹ کی نے 112 ون ڈے میچز میں سر انجام دیا تھا۔ ایلن ڈونالڈ نے 117 اور وقار یونس نے 118میچز میں 200 وکٹوں کا کارنامہ سر انجام دیا تھا۔