کورونا وائرس کے وار جاری،بھاولپورمیں سے 25 کیسز رپورٹ
گزشتہ 24 گھنٹوں کے دوران پنجاب بھر میں کورونا کے 5805 تشخیصی ٹیسٹ کئے گئے ہیں۔ گزشتہ 24 گھنٹوں کے دوران 189 نئے کیسز رپورٹ کیے گئے ہیں۔لیکن صوبہ بھر میں کورونا کے باعث کوئی ہلاکت رپورٹ نہیں ہوئی ہے۔
تفصیلات کے مطابق سیکرٹری صحت کا کہنا ہے کہ پنجاب میں میں کورونا وائرس کے کیسز کی کل تعداد 518,467 ہو چکی ہےاب تک مجموعی طور پر 11,778,353 تشخیصی ٹیسٹ کئے جاچکے ہیں۔ اب تک پنجاب بھر میں 501,352 مریض علاج کے بعد مکمل صحت یاب ہو کر اپنے گھروں کو واپس جاچکے ہیں۔ جبکہ اموات کی کل تعداد 13,594 ہو چکی ہے۔
یہ بھی پڑھیں: نئی تحقیق نے خواتین کی پریشانی میں اضافہ کردیا
گزشتہ 24 گھنٹوں کے دوران لاہور سے کورونا وائرس سے 110 جبکہ بہاولپور سے 25 کیسز رپورٹ ہوئے ہیں۔ فیصل آباد سے 11، راولپنڈی سے 10 جبکہ قصور سے 7 کیسز رپورٹ ہوئے ہیں۔ گوجرانولہ اور ملتان سے 5 پانچ جبکہ اوکاڑہ سے 3 کیسز رپورٹ ہوئے۔ خانیوال، سیالکوٹ اور ٹوبہ ٹیک سنگھ سے 2 دو کیسز رپورٹ ہوئے۔ جبکہ لیہ، چینوٹ، جہلم ،گجرات، مظفر گڑھ، ساہیوال، سرگودھا اور شیخوپورہ سے 1ایک کیس رپورٹ ہوا۔
سیکرٹری صحت پنجاب کا کہنا ہے کہ گزشتہ چوبیس گھنٹوں کے دوران صوبہ بھر کے تمام شہروں میں کورونا کے مثبت کیسز کی مجموعی شرح 3.3 فیصد ریکارڈ کی گئی ہے۔ جبکہ لاہور میں کرونا وائرس کے مثبت کیسز کی شرح 5.9 فیصد، بہاولپور سے 9.4 فیصد ریکارڈ کی گئی ہے۔ دوران فیصل آباد میں مثبت کیسز کی شرح 3.6 فیصد اور راولپنڈی سے 1.6 ریکارڈ کی گئی ہے۔
یہ بھی پڑھیں: کورونا اورمنکی پوکس وائرس بھول جائیں، اور مہلک وائرس آگیا ،درجنوں کیسز رپورٹ
محکمہ صحت کی جانب سے 5 سے 11 سال کےبچوں کو کورونا ویکسین لگانےکا فیصلہ کیا گیا ہے۔ ابتدائی طور پر مہم پنجاب کے 4 اضلاع میں چلائی جائےگی۔ جس میں لاہور، فیصل آباد، راولپنڈی اور بہاولپور کے اضلاع شامل ہیں۔ بچوں کو کورونا ویکسین لگانےکا ستمبر کےدوسرے ہفتہ شروع ہوگا۔