بھاولنگر میں شجر کاری مہم شروع
بہاولنگر(ملک صفدر ضیاء سے) ڈپٹی کمشنر کیپٹن ریٹائر محمد وسیم نے ڈسٹرکٹ پولیس آفیسر محمد ظفر بزدار کے ہمراہ ڈی سی آفس کے سبزہ زار میں میں موسم بہار شجر کاری مہم اور ہر بشر دو شجر مہم کے تحت پودے لگائے۔ اس موقع پر ایڈیشنل ڈپٹی کمشنر ریونیو ظہیر عباس چٹھہ، ایڈیشنل ڈپٹی کمشنر جنرل عبدالجبار گجر، اسٹنٹ کمشنر ارشد ورک، ڈویژنل ڈائریکٹر فارسٹ آفیسر فرید احمد سمیت دیگر محکموں کے افسران اور بوائز سکاوٹس نے بھی شجر کاری میں حصہ لیا ۔ ڈپٹی کمشنر کیپٹن ریٹائر محمد وسیم نے کہا کہ شجر کاری سے زمین کا کٹاؤ کم ہوتا ہے، اجاڑ زمین پر ہرے بھرے جنگلات قائم کرنے سے بارش میں اضافہ اور گلوبل وارمنگ و موسمیاتی تبدیلیوں کے اثرات کم کرنے میں مدد ملتی ہے۔ انھوں نے مزید کہا کہ صنعتی ترقی کے ساتھ ساتھ جنگلات کی ترقی ہماری آ ب و ہوا اور معیشت کے لیے بنیادی اہمیت کی حامل ہے. حکومت معیشت اور قدرتی ماحول کی بہتری کے لیے بھرپور اقدامات کر رہی ہے جس میں عوام شرکت کو یقینی بنایا جا رہا ہے۔ ڈسٹرکٹ پولیس آفیسر محمد ظفر بزدار نے شجر کاری کی اہمیت اور افادیت سے آ گاہ کرتے ہوئے کہا ہے کہ ایکو سسٹم میں توازن اور ماحول کی بہتری کیلئے شجر کاری بہت اہمیت ہے۔انہوں نے کہا ہے کہ پودوں کی آبیاری ، نگہداشت اور حفاظت بہت ضروری ہے تاکہ یہ پروان چڑھ کر تنا آ ور درخت بن سکے ۔بعد ازاں ملک کی ترقی اور خوشحالی اور شجر کاری کی کامیابی کے لیے دعا بھی کی گئی۔
