جسٹس باقر علی نجفی نےبھاولپورسنٹرل جیل بہاول پور کا دورہ
بہاول پور: (واصب ابراہیم غوری سے ) معزز جج لاہور ہائی کورٹ بنچ لاہور جسٹس باقر علی نجفی نے ڈسٹرکٹ اینڈ سیشن جج بہاول پور چوہدری محمد امیر خان کے ہمراہ سنٹرل جیل بہاول پور کا دورہ کیا۔ جیل آمد پر معزز ججز جسٹس باقر علی نجفی اور چوہدری محمد امیر خان کو چاق و چوبند دستے نے سلامی پیش کی اور پھولوں کے گلدستے پیش کے۔ بعدازاں معزز ججز نے خواتین وارڈ، جیل ہسپتال، کچن اسیران، سزائے موت بلاک، جیل فیکٹری اور جیل ہذا پر نئے تعمیر ہونے والے نیو کورٹ روم کا بھی تفصیلی دورہ کیا۔ انہوں نے جیل کے نظم و نسق و صفائی ستھرائی کے نظام کو سراہا۔ انہوں نے سنٹرل جیل کی فیکٹری میں تیارکردہ مصنوعات کو بھی سراہا۔ جیل اسیران کے مسائل سنے اور موقع پر ہی احکامات جاری کیے۔ اس موقع پر معزز جج نے معمولی جرائم میں ملوث07نفر اسیران اور01عورت اسیر کو ذاتی مچلکے پر رہا کرنے کا حکم دیا۔ انہوں نے جیل سپرنٹنڈنٹ شہرام توقیر خان و سٹاف کی کاوشوں کو سراہا۔
