بہت جلد پاکستان آرہاہوں,سابق وزیراعظم نوازشریف کی محمد شفیق خان سے لندن میں ملاقات کی اندرونی بات سامنے آگئی
بہاولنگر(ملج صفدر ضیاء سے ) محمد شفیق خان راہنماءمسلم لیگ(ن)وضلعی جنرل سیکرٹری و سابق چئیرمین مارکیٹ کمیٹی بہاولنگر کی لندن میں اپنی فیملی کے ہمراہ سابق وزیراعظم پاکستان و قائد مسلم لیگ(ن)میاں محمد نواز شریف سے انکے آفس میں ملاقات اس موقع پر سابق وفاقی وزیر خزانہ اسحاق ڈار اور لندن سے مقامی لیگی قائدین بھی موجود تھے، شفیق خان نے مسلم لیگی کارکنان کیجانب سے میاں نوازشریف کی خریت دریافت کی اور کارکنان کے جذبات پہنچائے سابق وزیراعظم نے محمد شفیق خان سے گفتگو کرتے ہوئے کہاکہ بہت جلد پاکستان میں آرہاہوں کارکنان اپنی تیاری رکھیں میاں محمدنوازشریف نے کہاکہ موجودہ حکومت نے کمر توڑمہنگائی کرکے عوام کے منہ سے دو وقت کی روٹی چھین لی ہے، لوگ خود کشیاں کررہے ہیں مگر اقتدار کے نشے میں مست حکمرانوں کو جھوٹ کے اور سیاسی مخالفین کی کردار کشی کے علاوہ کچھ یاد نہیں، پاکستانی عوام کو مسلم لیگ کے علاوہ کوئی سیاسی پارٹی نظر نہیں آرہی امید کی واحد کرن مسلم لیگ ہی ہے،انشاءاللہ آئیندہ الیکشن میں مسلم لیگ(ن) کلین سویپ کریگی ترقی کاسفر جہاں سے ختم ہواتھا وہاں سے شروع کریں گے پھر لوگوں کو روزگار ملیگا، ترقیاتی کام ہونگے کارخانے لگیں گے پاکستانی عوام کی عزت قدرو منزلت میں اضافہ اورغربت کاخاتمہ ہوگا،شفیق خان نےبعد آزاں ضلع بہاولنگر میں مسلم لیگ کی تنظیم سازی اورنظریاتی مسلم لیگی کارکنان کو درپیش سیاسی امور ومسائل سے متعلق بھی آگاہ کیا،ضلع بھر کے لیگی کارکنان کے جذبات پہنچانے پر قائد مسلم لیگ میاں محمد نوازشریف نے شفیق خان کاشکریہ ادا کیا اور مسائل حل کرنیکی یقین دہانی کرائی۔
