ضلع بھر کے مستحقین زکوٰۃ کے لیے3کروڑ روپے سے زائد کے فنڈز جاری، ملک احمد نواز ننگانہ
بہاول پور: (واصب ابراہیم غوری سے )ضلع بھر کے مستحقین زکوٰۃ کے لیے3کروڑ روپے سے زائد کے فنڈز جاری کیے گئے۔4126مستحقین کو9ہزار روپے فی کس کے میسج جاری ہو جائیں گے۔ یہ بات چیئرمین ضلع زکوٰۃ کمیٹی بہاول پور ملک احمد نواز ننگانہ اور ڈسٹرکٹ زکوٰۃ آفیسر محمد آصف اقبال کی طرف سے مشترکہ بیان میں کہی۔ بیان میں کہا گیا ہے کہ صوبائی وزیر زکوٰۃ شوکت علی لالیکااور صوبائی سیکرٹری سلمان اعجاز کی خصوصی ہدایت پر محکمہ زکوٰۃ بہاول پور نے ضلع بھر کے4300 سے زائد رجسٹرڈ مستحقین زکوٰۃ کے لیے3 کروڑ 97 لاکھ روپے سے زائد کے فنڈز جاری کیے گئے ہیں۔ ملک احمد نواز ننگانہ نے کہا کہ جنرل گزارہ الاؤنس کے مستحقین کو9ہزار روپے فی کس اور نابینا افراد کو 12ہزار روپے فی کس کے میسج ٹیلی ناز ایزی پیسہ (3737) سے جلدجاری ہو جائیں گے۔ مستحقین اپنی پوری رقم وصول کریں۔ اگر کوئی فرنچائز یا دکاندار سروس چارجز کی مد میں کٹوتی کرے تو اس کی اطلاع فوری طور پر ضلعی دفتر کو دی جائے۔ ملک احمد نواز ننگانہ نے کہا کہ مستحقین کا چناؤ کرتے وقت مقامی زکوٰۃ کمیٹیوں کے چیئرمین ذمہ داری کا مظاہرہ کرتے ہوئے میرٹ پر عمل کریں۔