سیاسی دنگل سجنے کو تیار:الیکشن کمیشن کا قومی اسمبلی کی 33 نشستوں پر ضمنی انتخابات کا اعلان

یوتھ ویژن نیوز ( واصب غوری سی ) الیکشن کمیشن کا قومی اسمبلی کی 33 نشستوں پر ضمنی انتخابات کا اعلان

 ایک اور بڑا سیاسی دنگل سجنے کو تیار۔۔  الیکشن کمیشن آف پاکستان نے قومی اسمبلی کی 33 نشستوں پر ضمنی انتخابات کے شیڈول کا اعلان کردیا۔

یہ بھی پڑھیں: سونے کی فی تولہ قیمت دو لاکھ روپے سے تجاوزکرگئی

الیکشن کمیشن نے کہا کہ اسلام آباد، راولپنڈی، لاہور، کراچی،ملتان سمیت قومی اسمبلی کی 33 نشستوں پر ضمنی الیکشن 16 مارچ کو ہوگا۔ امیدوار کاغذات نامزدگی 6سے 8فروری تک جمع کراسکیں گے۔

کاغذات نامزدگی کی جانچ پٹرتال 9 فروری کو ہوگی۔ الیکشن کمیشن 33حلقوں میں امیدواروں کو انتخابی نشانات 23فروری کو جاری کرے گا۔

  ان 33 نشستوں میں کراچی کے 9، راولپنڈی کے 5 ، اسلام آباد کے 3، لاہور اورملتان کے دو دو ، جبکہ کوئٹہ ، جہلم، بھکر اور ڈی جی خان کا ایک ایک جبکہ خیبرپختونخوا کے 8 حلقے شامل ہیں۔

یہ بھی پڑھیں: پنجاب میں متعدد پولیس افسروں کے تقرروتبادلے، نوٹی فکیشن جاری

واضح رہے کہ اسپیکر قومی اسمبلی نے ان 33 حلقوں سے منتخب ہونے والے پی ٹی آئی ارکان قومی اسمبلی کے استعفے منظور کیے تھے جس کے نتیجے میں نشستیں خالی ہوئی ہیں۔