دوستی سے انکار پر 19 سالہ خواجہ سراء کو گولی مار کے قتل کر دیا گیا
یوتھ ویژ ن نیوز ( واصب غوری سے ) بھاولپور میں 19 سالہ خواجہ سراء کا بہیمانہ قتل، دوستی سے انکار اور ناجائز خواہش پوری نہ کرنے پرگولی مار کر ہلاک کردیاپولیس تھانہ کوتوالی نے مقدمہ درج کرلیا ـ
تفصیل کے مطابق گذشتہ شب احمدپوری گیٹ بہاولپور کے رہائشی خواجہ سراء شہاہ زیب عرف عائزہ کو رات بارہ بجے مبینہ طور پر دوستی نہ کرنے اور ناجائز خواہش پوری نا کرنے پر شعیب ولد محمدحنیف قوم میو اور اس کے ساتھی مبشر عرف پکوڑا ولد محمد شاہد محلہ کجل پورہ عائزہ کے گھر داخل ہوئے اورپستول سے دوفائر کئے، ایک گولی اس کے سینے اورایک ٹانگ میں لگی جس سے عائزہ نے موقع پر ہی دم توڑ دیا، پولیس تھانہ کوتوالی نے ملزمان کے خلاف زیردفعہ34 /302- کے تحت مقدمہ درج کرکے تفتیش شروع کردی . خواجہ سرا کمیونٹی کی صدر صاحبہ جہاں نے کمشنر بہاولپور ڈی پی او اور ڈی سی سے ملزمان کی فوری گرفتاری کا مطالبہ کیا ہے ـ