پی ایس ایل 8:پی سی بی نے پی ایس ایل ٹرافی کی رونمائی کی تاریخ کا اعلان کر دیا
یوتھ ویژن نیوز 🙁 عاقب غوری سے )پاکستان سپر لیگ کے آٹھویں ایڈیشن کی ٹرافی کی رونمائی تقریب 9فروری کی دوپہر کو کی جائیگی۔
رپورٹ کےمطابق ٹرافی رونمائی تقریب تاریخی شالا مار باغ میں کی جائے گی۔تقریب میں پاکستان کرکٹ بورڈ مینجمنٹ کمیٹی کے چئیرمین نجم سیٹھی اور 6فرنچائزز مالکان شرکت کریں گے۔
یہ بھی پڑھیں: پی ڈی ایم کی اتحادی جماعت جےیوآئی (ف) کا ضمنی انتخابات کے بائیکاٹ کااعلان
واضح رہے کہ پی ایس ایل 8 کی افتتاحی تقریب ملتان میں ہوگی، لیگ کے میچز دو مرحلوں میں ہوں گے،۔میچز ملتان، کراچی، راولپنڈی اور لاہور میں کھیلے جائیں گے۔ پی ایس ایل کے موقع پر ہی وویمن کے تین نمائشی میچز ہوں گے جن میں غیر ملکی کھلاڑی بھی شامل شریک ہوں گی
۔پی ایس ایل شیڈول کے مطابق پہلا میچ دفاعی چیمیئن لاہور قلندرز اور ملتان سلطانز کے درمیان 13 فروری کو ملتان میں کھیلا جائے گا۔ 34 میچز میں سے 11 میچز راولپنڈی میں ہوں گے، کراچی اور لاہور میں 9، 9 میچز جبکہ ملتان میں 5 میچز کھیلے جائیں گے۔پاکستان سپر لیگ کا فائنل 19 مارچ کو قذافی اسٹیڈیم لاہور میں ہوگا۔ پی ایس ایل 8 کے اینتھم کے گلوکاروں کے نام بھی سامنے آ گئے ہوئے ہیں۔
آفیشل ترانہ معروف گلوکار عاصم اظہر، شائے گِل اور فارس شفیع نےگایا ہے جسے اسے عبداللہ صدیقی نے پروڈیوس کیا ہے، پی ایس ایل 8 کے اینتھم کو ایک دو روز میں ریلیز کیے جانے کا امکان ہے۔ پی ایس ایل 8 کے شایان شان افتتاح کی تیاریاں عروج پر پہنچ گئیں
یہ بھی پڑھیں: سترہ گھنٹے سےملبے تلے دبی شامی بچی کی دوہائی، زندہ نکال لو، زندگی بھر خدمت کروں گی
جب کہ ملتان کو میگا تقریب کیلیے دلہن کی طرح سجانے کا عزم ظاہر کردیا گیا۔پاکستان سپر لیگ کے آٹھویں سیزن کی افتتاحی تقریب ملتان میں منعقد ہوگی، 13 فروری کو ملتان کرکٹ اسٹیڈیم میں ہونے والی اس رنگارنگ تقریب میں دنیا بھر کے نامور کرکٹرز شریک ہوں گے
