پی ڈی ایم کی اتحادی جماعت جےیوآئی (ف) کا ضمنی انتخابات کے بائیکاٹ کااعلان
یوتھ ویژن نیوز ( قاری عاشق حسین سے ) پی ڈی ایم کی دوسری بڑی جماعت جے یو آئی نےضمنی انتخابات سے بائیکاٹ کا اعلان کردیا۔جس کے بعد مولانافضل الرحمان اپنے موقف میں اکیلے ہی رہ گئے۔
یہ بھی پڑھیں: چیٹ جی پی ٹی ویب سائیٹ کی لکھی ہوئی تحریر پکڑی جا سکے گی؟
تفصیلات کے مطابق حکمران اتحاد پی ڈی ایم اور پی پی پی اور اے این پی میں تقسیم کے بعد اب پی ڈی ایم بھی تقسیم ہوگئی ہے جس کے تحت جے یو آئی نے قومی اسمبلی کے ضمنی انتخابات کے بائیکاٹ کا اعلان کردیا ہے۔
ذرائع کا کہنا ہے کہ مولانا فضل الرحمان نے پی ڈی ایم کےاجلاس میں منظوری لیکر ضمنی الیکشن کے بائیکاٹ کا فیصلہ کیا تھا تاہم پی ڈی ایم کے سربراہ الیکشن بائیکاٹ پر مسلم لیگ ن کو ہی راضی نہیں کرسکے۔
مسلم لیگ ن اور پشتونخواہ ملی عوامی پارٹی نے بھی ضمنی انتخابات کے لئے کاغذات نامزدگی جمع کرادیئے ہیں۔
دوسری جانب پی ڈی ایم کو ایک ساتھ چھوڑنے والی پی پی پی اور اے این پی بھی ایک ساتھ نہیں رہ سکیں جس کے تحت پی پی پی نے الیکشن میں حصہ لینے کے لئے کاغذات نامزدگی جمع کرادیئے ہیں جبکہ اے این پی نے ضمنی الیکشن کا بائیکاٹ کردیا ہے۔
یہ بھی پڑھیں: 15ماہ کی بچی کو31 گھنٹوں بعد ملبے تلے سے زندہ نکال لیا
واضح رہے کہ کراچی میں بلدیاتی الیکشن جیتنے والی جماعت اسلامی نے ضمنی انتخاب لڑنے سے انکار کر دیا ۔ایک بھی امیدوار نے کاغذات نامزدگی جمع نہیں کرائے۔