انگلینڈ نے چھٹےT-20میچ میں پاکستان کو یکطرفہ مقابلےکےبعد شکست دے دی
یوتھ ویژن نیوز (عاقب غوری سے )چھٹے ٹی ٹوئنٹی میچ میں انگلینڈ نے پاکستان کو یک طرفہ مقابلے کے بعد 8 وکٹوں سے شکست دے کر سیریز تین تین سے برابر کر دی۔
قذافی اسٹیڈیم لاہور میں کھیلے گئے میچ میں انگلینڈ نے پاکستان کی جانب سے دیا گیا 170 رنز کا ہدف 14 ویں اوور میں 2 وکٹوں کے نقصان پر حاصل کر لیا۔
انگلینڈ کے سلامی بیٹرز نے پاکستانی بولرز کو گراونڈ کے چاروں اطراف چوکے،چھکے لگائے اور تین اوورز میں ففٹی جڑ دی۔ مہمان ٹیم کے فلپ سالٹ نے 41 گیندوں پر 87 رنز کی ناقابل شکست اننگز کھیلی۔
یہ بھی پڑھیں: جسٹس قاضی فائزعیسیٰ نے چیف جسٹس کےنا م ایک اورخط لکھ دیا
ان کی جارحانہ اننگز میں 3 چھکے اور 13 چوکے شامل تھے۔ ان کے علاوہ ایلکس ہیلز نے 27، ڈیوڈ مالان اور بین ڈیکٹ نے 26، 26 رنز کی باری کھیلی۔
پاکستان کی جانب سے شاداب خان نے دو کھلاڑیوں کو آؤٹ کیا۔
اس سے پہلے انگلینڈ نے پاکستان کے خلاف ٹاس جیت کر فیلڈنگ کا فیصلہ کیا ہے۔
قومی ٹیم کی جانب سے کپتان بابراعظم نے شاندار بیٹنگ کا مظاہرہ کیا اور 59 گیندوں پر 87 رنز کی ناقابل شکست اننگز کھیلی۔ ان کے علاوہ افتخار احمد نے 31 رنز بنائے۔
یہ بھی پڑھیں: پیٹرول 12 روپے63 پیسے سستا
انگلینڈ کی جانب سے سیم کرن اور ویلی نے دو دو کھلاڑیوں کو آؤٹ کیا۔
ٹاس و ٹیم
ٹاس کے بعد گفتگو کرتے ہوئے قومی ٹیم کے کپتان بابراعظم نے بتایا کہ ٹاس اپنے ہاتھ نہیں، اگر جیت جاتا تو بولنگ کا فیصلہ کرتا۔
انہوں نے کہا کہ انگلینڈ کو 160 170 رنز تک کا ہدف دینے کی کوشش کریں گے۔
واضح رہے سات میچوں کی سیریز میں پاکستان کو تین دو سے برتری حاصل ہے، اگر پاکستان آج کا میچ بھی جیت جاتا ہے تو وہ سیریز اپنے نام کرنے میں کامیاب ہوجائے گا۔
