بھارتی بزنس مین گوتم اڈانی دنیا کےدوسرے امیرترین شخص بن گئے
یوتھ ویژن نیوز (ویب ڈسک ) بھارت کے بزنس میں گوتم اڈانی دنیا کے دوسرے امیر ترین شخص بن گئے ہیں۔
فوربس کی رپورٹ کے مطابق بھارت کے گوتم اڈانی اب دنیا کے دوسرے امیر ترین شخص بن چکے ہیں۔
گوتم اڈانی بھارتی بزنس ٹائیکون ہیں جنہوں نے ایمیزون کے مالک جیف بیزوس اور لوئس وِٹن کے برنارڈ ارنالٹ کو بھی دولت کے لحاظ پیچھے چھوڑ دیا ہے۔ گوتم اڈانی نے کی اس وقت دولت کا تخمینہ 154.7 بلین ڈالر ہے۔ فوربز کی جانب سے حال ہی میں ارب پتی لوگوں کی فہرست شائع کی گئی ہے جس کے مطابق ایلون مسک 273.5 بلین کی دولت کے ساتھ بھی دنیا کے امیر ترین شخص ہیں۔
یہ بھی پڑھیں: پاکستان دیوالیہ ہونے کی راہ پر ہے،عمران خان کا ٹویٹ
پچھلے مہینے گوتم اڈانی دنیا کے تیسرے امیر ترین شخص تھے۔ جس کیلئے انہوں نے ارنالٹ کو اپنی دولت میں پیچھے چھوڑ دیا تھا لیکن دولت کے لحاظ سے وہ مسک اور بیزوس سے پیچھے تھے۔ اب انہوں نے جیف بیزوس کو بھی پیچھے چھوڑ دیا ہے۔
بلومبرگ نے رپورٹ کیا کہ اڈانی گروپ کی کچن کے ضروری سامان کی فرم اڈانی ولمار لمیٹڈ اب اپنے فوڈ آپریشنز کے کاروبار کو بڑھانے کے لیے مقامی اور بیرون ملک حصول کے اہداف تلاش کر رہی ہے۔ کمپنی کے چیف ایگزیکٹیو آفیسر اور مینیجنگ ڈائریکٹر انگشو ملک نے بلومبرگ کو بتایا کہ کمپنی اپنی اشیائے خوردونوش کی پیشکش اور رسائی کو بڑھانے کے لیے اہم کھانے پینے کی اشیاء اور تقسیم کار کمپنیوں میں برانڈز حاصل کرنا چاہتی ہے۔
یہ بھی پڑھیں: عوام پرایک اوربجلی بم گرادیا گیا، سیلیب بینیفٹ ختم،آئندہ ماہ بجلی بل کتنا آئےگا ؟
اڈانی ولمار نے خریداریوں کے لیے اپنی ابتدائی عوامی پیشکش سے 500 کروڑ مختص کیے ہیں۔ فوڈ کمپنی کے حصص فروری میں 486 ملین ڈالر کے ڈیبیو کے بعد سے تین گنا زیادہ ہو گئے ہیں۔
