شدید بارشوں کا ایک اور الرٹ،محکمہ موسمیات نے خطرے کی گھنٹی بجا دی

 محکمہ موسمیات نے ایک مرتبہ پھر شدید بارشوں کا الرٹ جاری کردیا۔

تفصیلات کے مطابق محکمہ موسمیات نے 13 ستمبر کی شام کو کراچی میں آندھی اور گرج چمک کے ساتھ بارش کی پیش گوئی کی ہے۔ اپنے بیان میں موسم کا حال بتانے والے ادارے کا کہنا ہے کہ بھارتی گجرات پر موجود ہوا کا کم دباؤ کمزور ہوگیا ہے لیکن ایک اور ہوا کا شدید کم دباؤ اس وقت مشرقی بھارت پر موجود ہے۔

یہ بھی پڑھیں: مریم نواز کیلئے لاہور ہائیکورٹ سے اچھی خبر آگئی

اس کم دباؤ کی وجہ سے تھرپارکر، عمرکوٹ، بدین اور میرپور خاص میں بارش کا امکان ہے جبکہ ٹنڈو محمد خان، سجاول اور ٹھٹھہ میں بھی آندھی کے ساتھ ہلکی بارش ہوسکتی ہے۔

محکمہ موسمیات کے مطابق کراچی میں آئندہ 3 روز تک موسم گرم رہے گا لیکن 13 ستمبر کی شام یا رات کو آندھی اور گرج چمک کے ساتھ بارش ہوسکتی ہے۔