شہباز گل نے تفتیش میں مزید ناموں کا انکشاف کردیا
اسلام آباد ( مبشر بلوچ سے ) تحریک انصاف کے رہنما شہبازگل کے فوج سے متعلق بیان پر بڑی پیشرفت، پولیس ذرائع کے مطابق پی ٹی آئی رہنما نے دوران تفتیش مزید ناموں کا انکشاف کردیا ہے۔
ذرائع کے مطابق نجی ٹی وی چینل سے شہباز گل کے بیان سے متعلقہ افراد کو گرفتار کئے جانے کا امکان ہے۔
پولیس ذرائع کے مطابق اب تک 4 افراد پر نظر ہے، کسی بھی وقت گرفتار کیا جاسکتا ہے۔ شہباز گل کی کل عدالت پیشی پر مزید جسمانی ریمانڈ کی استدعا کی جائے گی۔
یہ بھی پڑھیں: نوازشریف نےقبل ازوقت انتخابات کےلیےشرط رکھ دی
واضح رہے کہ تحریک انصاف کے رہنما اور سابق وزیراعظم عمران خان کے چیف آف اسٹاف شہباز گل نے دوران تفتیش پولیس کے سامنے پاک فوج سے متعلق بیان دینے کا اعتراف کرلیا۔
پولیس کو دیےگئے بیان میں شہباز گل کا کہنا تھا کہ میرےخیال میں، میں نے پارٹی پالیسی سے ہٹ کر یہ بیان نہیں دیا، بیان سوچ سمجھ کر دیا ہے۔
واضح رہےکہ گزشتہ منگل کو پولیس نے شہباز گل کو بغاوت کے مقدمے میں وفاقی دارالحکومت اسلام آباد سے گرفتار کیا تھا۔