حکومت نےعوم پر بجلی بم گرا دیا،ٹیرف میں7 روپے91 پیسے اضافے کی منظوری

اسلام آباد (ثاقب غوری سے ) – بجلی کے ٹیرف میں 7 روپے 91 پیسے اضافے کی منظوری دیدی گئی۔  نیپرا علامیہ کے مطابق ڈسکوز اور کے الیکٹرک کے یکساں ٹیرف کی درخواست پر فیصلہ جاری ہو گیا۔ وفاقی حکومت نے تمام ڈسکوز بشمول کے الیکٹرک کا بنیادی ٹیرف یکساں کرنے کی درخواست کی تھی  جس پر 20 جولائی 2022 کو عوامی سماعت ہوئی۔ اضافے کا اطلاق تین مراحل میں لاگو کیا جائے گا۔ اگست، ستمبر اور اکتوبر سے اضافی بل وصول کیا جائے گا۔ فیصلے کا اطلاق وفاقی حکومت کی طرف سے جاری کردہ نوٹیفکیشن کے بعد ہو گا۔ لائف لائن اور پروٹیکٹڈ صارفین پر اضافہ لاگو نہیں ہو گا۔