بہاولنگرمیں میڈیکل کالج کوہرصورت مکمل کریںگے,ڈاکٹراحمدجاویدقاضی

یوتھ ویژن نیوز (ملک صفدر ضیاء سے )سیکرٹری صحت پنجاب ڈاکٹراحمدجاویدقاضی کی زیرصدارت اپنے دفترمیں اجلاس منعقدہوا،جس میں سپیشل سیکرٹری محکمہ سپیشلائزڈہیلتھ کئیراینڈمیڈیکل ایجوکیشن سیدواجدعلی شاہ،ایڈیشنل سیکرٹری ڈویلپمنٹ آغانبیل،چیف پلاننگ آفیسرعبدالحق بھٹی،ڈائریکٹربلڈنگزساؤتھ عمیرچوہدری،سی ای او بہاول نگرڈاکٹرفائزہ،ڈاکٹرعثمان اسلم،ایکسئین بلڈنگزمحمدندیم ودیگرمتعلقہ افسران نے شرکت کی۔سیکرٹری صحت پنجاب ڈاکٹراحمدجاویدقاضی نے اجلاس کے دوران بہاول نگرمیں میڈیکل کالج کی سکیم کے روڈمیپ کاتفصیلی جائزہ لیا۔ایڈیشنل سیکرٹری ڈویلپمنٹ آغانبیل،بلڈنگزافسران اور چیف پلاننگ آفیسرعبدالحق بھٹی نے سیکرٹری صحت پنجاب ڈاکٹراحمدجاویدقاضی کو بریفنگ دی۔
صوبائی سیکرٹری صحت ڈاکٹراحمدجاویدقاضی نے کہاکہ بہاول نگرمیں میڈیکل کالج کو ہرصورت مکمل کریں گے۔انشاء اللہ بہاول نگرمیں میڈیکل کالج جون2024میں مکمل فعال ہوجائے گا۔بہاول نگرکے میڈیکل کالج میں ڈاکٹرزکی رہائش گاہوں،ڈاکٹرزاور سٹوڈنٹس ہاسٹل سمیت دیگرسہولیات مہیاہوں گی۔صوبائی سیکرٹری صحت نے مزیدکہاکہ ڈی ایچ کیو ہسپتال بہاول نگر 539بستروں پر مشتمل ہے۔بہاول نگرمیں 200بستروں پر مشتمل مدراینڈچائلڈ ہسپتال پربھی تیزی سے کام جاری ہے۔صوبائی سیکرٹری صحت نے متعلقہ افسران کو بہاول نگرمیں میڈیکل کالج کے حوالہ سے محکمہ پی اینڈڈی کے ساتھ مکمل کوارڈنیشن کی ہدایت کی ھے۔