ہم چلے گئے تو کیا ان کو سانس لینے دیں گے، فیصل واؤڈا
پی ٹی آئی رہنما فیصل واؤڈا نے کہا ہے کہ ہم چلے گئے تو کیا ان کو سانس لینے دیں گے، سازش کرنے والوں پر آرٹیکل 6 لگائیں گے۔
پاکستان تحریک انصاف کے رہنما فیصل واؤڈا نے اسلام آباد میں میڈیا سے گفتگو کرتے ہوئے کہا ہے کہ ہم چلے گئے تو کیا ان کو سانس لینے دینگے، سازش کرنے والوں اور منحرف ارکان پر آرٹیکل 6 لگائیں گے
فیصل واؤڈا نے کہا کہ اس وقت لڑائی عمران خان کی نہیں پاکستان کی ہے، عمران خان نےاپنے لوگوں کو مروانے کیلئے نہ کی، اپنے ملک کو استعمال کرنے کیلئے نہ کی، عمران خان نے جو نہ کی ہے اس کی قیمت ادا کرنی ہوگی اسی لیے کہتے ہیں کہ وزیراعظم عمران خان کی جان کو خطرہ ہے۔
انہوں نے کہا کہ ہم آخری بال تک لڑیں گے، عمران خان جو کریں گے وہ سب دیکھیں گے، عمران خان عدم اعتماد میں ناکام ہو بھی جاتےہیں تو عوام دیکھ رہے ہیں کہ انہوں نے ملک بچانے کیلئے کیا کچھ کیا ہے۔ ہم اپنےاداروں کو تگڑا کر رہے ہیں اور تگڑا کریں گے۔
پی ٹی آئی رہنما کا مزید کہنا تھا کہ بیرون ملک سازش ہوتی ہے اور اپوزیشن سازش کا حصہ بن جاتی ہے، اپوزیشن نے عدلیہ، فوج کو گالیاں دیں، انہوں نے فوج کو لاہور پولیس بنانے کی پہلےبھی کوشش کی دوبارہ کرینگے، آج اپوزیشن کےپاس ایسی کیا ہوا آگئی کہ وہ تگڑے ہوگئے ہیں۔
فیصل واؤڈا نے مزید کہا کہ یہ لوگ یہاں لوٹ مارکرتے ہیں پھر بیرون ملک چلے جاتےہیں، پہلےبھی بیرون ملک بھاگے اب دوبارہ بھاگے ہوئے ہیں، چیری بلوسم کی شارٹیج ہوجائےگی یہ زبان سےبوٹ پالش کرتےہیں، اپوزیشن کامیاب ہوگئی تو4،5 مہینے کی کہانی ہے، یہ سب چور ہیں ایک دوسرے کا گریبان پکڑ رہے ہوں گے،
انہوں نے کہا کہ ایم کیوایم نے اپنی سیاست کیلئے مہاجروں کو بیچا ہے، پیپلز پارٹی والے کبھی بھی مہاجروں کے بارے میں نہیں سوچتے، ایم کیو ایم اتحادی نہ بنتی لیکن پیپلز پارٹی کا ساتھ نہ دیتے۔
انہوں نے یہ بھی کہا کہ بیرون ملک سےکوئی نہیں آئیگایہاں ٹاؤٹ موجودہیں، سڑنےوالی مٹھائی ٹھیک مٹھائی بھی خراب کردیتی ہے، عوام ایسےلوگوں کواپنےحکمران نہ بنائیں۔
فیصل واؤڈا نے بتایا کہ وزیراعظم عمران خان کی کل اہم گفتگوہوگی، مشکل وقت میں جو چھوڑ کر چلے جاتے ہیں ان کا کردار واضح ہے، پرانی ہی ٹیم وزیراعظم عمران خان کیساتھ ہے، مجھےبھی ہدایت ہےکہ میں نےاسلام آبادمیں ہی رہناہے
