اسلامیہ یونیورسٹی کےزیراہتمام سیف رولرہیلتھ پروجیکٹ کےتحت تربیتی ورکشاپ کاانعقاد
بہاول پور(علی رضا غوری سے)شعبہ انفارمیشن ٹیکنالوجی اسلامیہ یونیورسٹی بہاول پور نے سیف رولر ہیلتھ پروجیکٹ کے تحت تربیتی ورکشاپ کا انعقاد کیا۔
سیف رولر ہیلتھ مینجمنٹ انفارمیشن سسٹم کے موضوع پریہ ورکشاپ شاہدہ اسلام میڈیکل کالج لودھراں میں منعقد کی گئی۔ پروفیسر ڈاکٹر دوست محمد خان چیئرمین شعبہ انفارمیشن ٹیکنالوجی نے کہا کہ وائس چانسلر اسلامیہ یونیورسٹی بہاول پور انجینئر پروفیسر ڈاکٹر اطہر محبوب کے وژن کے مطابق یونیورسٹی میں جاری تحقیقی سرگرمیوں کے ثمرات عام لوگوں تک پہنچانے کے لیے ملکی اور بین الاقوامی اداروں سے اشتراک عمل بڑھا یا جا رہا ہے اور اس ورکشاپ کا بنیادی مقصد دور دراز کے دیہی علاقوں میں ڈیجیٹل ہیلتھ کیئر کی رسائی فراہم کرنا ہے ۔ اس موقع پر کیپٹل یونیورسٹی آف سائنس اینڈ ٹیکنالوجی سے پروفیسر نیئر مسعود اور علی حسن اور اسلامیہ یونیورسٹی بہاول پور سے ناجیہ سحر،فیصل شہزاد ، ڈاکٹر عمر ریاض اور محمد سلیمان شاہ نے خطاب کیا۔