2اکتوبر سے کراچی تک مسافر ٹرینیں مرحلہ واربحال کر نیکا فیصلہ
یوتھ ویژن نیوز(مظہر چشتی سے ):وزیر ریلویز خواجہ سعد رفیق کی زیر صدارت ویڈیو لنک کے ذریعے اجلاس منعقد ہوا۔ جمعہ کو ہونے والے اجلاس میں 2 اکتوبر 2022 سے مرحلہ وار کراچی تک مسافر ٹرینیں بحال کر نے کا فیصلہ کیا گیا،پاکستان ریلوے نے یہ فیصلہ مسافروں کی مشکلات کے پیش نظر کیا ہے،
اجلاس میں پہلے سے روہڑی تک بحال کی گئی 2 ٹرینوں میں خیبر میل ایکسپریس اور رحمان باباایکسپریس کو 2 اکتوبر 2022 سے روہڑی کی بجائے کراچی تک چلانے کا فیصلہ کیا گیا،
یہ بھی پڑھیں: جسٹس قاضی فائزعیسیٰ نے چیف جسٹس کےنا م ایک اورخط لکھ دیا
اسی طرح 5 اکتوبر 2022 سے لاہور اور کراچی کے درمیان قراقرم ایکسپریس ،کراچی ایکسپریس اور پاک بزنس ایکسپریس کو بھی اپنے مقررہ روٹ سے بحال کرنے کا فیصلہ کیا گیاہے ،
اجلاس میں بتایا گیا کہ لاہور اور کراچی کے درمیان چلنے والی ٹرینوں کا اوسط دورانیہ تقریبا 22گھنٹے رکھا گیا ہے ،انِ تمام ٹرینوں کواضافی کوچز کے ساتھ چلایا جائے گا اورسفری دورانیہ کا جائزہ 30 روزکے بعد لیا جائے گا ۔