سیکولر بھارت کے چہرے پر بد نما داغ، شہید بابری مسجد کی جگہ رام مندر کا سنگ بنیاد رکھ دیا گیا
کھنؤ: بھارتی ریاست اترپردیش میں شہید کی جانے والی بابری مسجد کی جگہ زیر تعمیر رام مندر کے مقدس مقام گربھ گرہ کا سنگ بنیاد ریاست کے وزیراعلیٰ یوگی ادتیہ ناتھ نے رکھ دیا۔
بھارتی میڈیا کے مطابق اترپردیش کے وزیر اعلیٰ یوگی ادتیہ ناتھ نے نائب وزیراعلیٰ اور 90 کے قریب ماہر تعمیرات اور پنڈتوں کے ہمراہ ایودھیا میں بابری مسجد کی جگہ تعمیر کیے جانے والے رام مندر کے مقدس مقام کا سنگ بنیاد رکھ دیا۔تقریب سے خطاب کرتے ہوئے متعصب وزیراعلیٰ یوگی ادتیہ ناتھ نے کہا کہ یہ بھارت کا قومی مندر اور اتحاد کی علامت ہوگا۔ بھارت کے عوام برسوں سے اس دن کا انتظار کر رہے تھے۔
Load/Hide Comments
