آئی ایم ایف نے خطرے کی گھنٹی بجادی: پاکستان کیلئے مہنگائی اور کرنٹ اکاؤنٹ خسارہ بڑے مسائل قرار

اسلام آباد:(عاقب ابراہیم غوری سے ) انٹرنیشنل مونیٹری فنڈ (IMF) نے ورلڈ اکنامک آؤٹ لک رپورٹ جاری کر کے خطرے کی گھنٹی بجا دی ہے۔

آئی ایم ایف نے ورلڈ اکنامک آؤٹ لک کی جو رپورٹ جاری کی ہے اس میں پاکستان کے لیے مہنگائی اور کرنٹ اکاؤنٹ خسارے کو بڑے مسائل قرار دیا گیا ہے۔

آئی ایم ایف نے ورلڈ اکنامک آؤٹ لک کی جاری کردہ رپورٹ کے حوالے سے پیشن گوئی کی ہے کہ پاکستان میں اس سال مہنگائی کی شرح 11.2 فیصد تک رہے گی جب کہ کرنٹ اکاؤنٹ خسارہ جی ڈی پی کے 3.5 فیصد تک پہنچ جائے گا۔

ورلڈ اکنامک آؤٹ لک کی جاری کردہ رپورٹ کے تحت معاشی شرح نمو 4 فیصد اور آئندہ سال 4.2 فیصد رہنے کا امکان ہے جب کہ بیروزگاری کی شرح اس سال 7 فیصد اور آئندہ سال 6.7 فیصد رہے گی۔