وائس چانسلر اسلامیہ یونیورسٹی بہاولپورڈاکٹر اطہر محبوب کی اسلام آباد میں تانگ انٹرنیشنل ایجوکیشن گروپ کے ایگزیکٹو صدر مکس ما سے ملاقات
بہاول پور(علی رضا غوری سے )انجینئر پروفیسر ڈاکٹر اطہر محبوب وائس چانسلر اسلامیہ یونیورسٹی بہاولپور نے اسلام آباد میں تانگ انٹرنیشنل ایجوکیشن گروپ کے ایگزیکٹو صدر مکس ما سے ملاقات کی۔ اس موقع پر نیشنل سکلزیونیورسٹی اسلام آباد کے وائس چانسلر پروفیسر ڈاکٹر محمدمختار موجود تھے۔ اس موقع پر چین کے روایتی طریقہ علاج و ادویات اور طب مشرق سے متعلق باہمی اشتراک و تعاون پر تبادلہ خیال کیا ۔ اسلامیہ یونیورسٹی بہاولپور طب مشرق اور چینی طریقہ علاج سے متعلق ایک دوہرا ڈگری پروگرام متعارف کرا رہی ہے۔ چین کی یونیورسٹیاں اسلامیہ یونیورسٹی بہاولپور کے طب مشرق کے گریجویٹس کو تحقیقی، کلینیکل ٹریننگ اور خصوصی چینی ادویات سے متعلق تعلیم و تربیت کے لیے وظائف فراہم کر یں گی۔ اسلامیہ یونیورسٹی بہاولپور میں چینی طریقہ علاج اور ادویات سے متعلق خصوصی مرکز قائم کیا جائے گا ۔ فیکلٹی اور طلباء وطالبات کی سطح پر باہمی تبادلہ کیا جائے گا۔