چولستان یونیورسٹی’ غفلت لاپروائی کے تمام ریکارڈ توڑ دیئے 31 دسمبر2020 ء تک خالی سکیل1 تا14 کی اسامیوں پربھرتی نہ کی جاسکی
بہاول پور(یاسر ملک سے ) چولستان یونیورسٹی’ غفلت لاپروائی کے تمام ریکارڈ توڑ دیئے 31 دسمبر2020 ء تک خالی سکیل1 تا14 کی اسامیوں پربھرتی نہ کی جاسکی اور350 خالی اسامیاں ختم ہوگئی ہزاروں مقامی افراد کو چونالگاکر لاکھوںبلکہ کروڑوں روپے پراسیسنگ فیس کے نام پرہڑپ کرلئے گئے شہریوں کا وزیراعلی پنجاب عثمان بزدار’ گورنرپنجاب’ سیکریٹری لائیوسٹاک اینڈ ڈیری ڈویلپمنٹ لاہور’ چیف سیکریٹری پنجاب سے فوری نوٹس لینے اور کاروائی کامطالبہ تفصیل کے مطابق سابق وزیراعلی پنجاب شہبازشریف کے دورمیں 3 ارب روپے کی لاگت سے قائم کی جانیوالی چولستان اینمل اینڈ ویٹرنری یونیورسٹی مسلسل زبوں حالی کاشکار ہے زرائع کے مطابق یونیورسٹی کے قیام کے بعد سکیل 1 تا 14 تک نان گزیڈیٹ350 سیٹیں یونیورسٹی انتظامیہ کی لاپروائی اورمجرمانہ غفلت کے باعث ضائع کردی گئی اگران سیٹوں پر 31 دسمبر2020 تک بھرتی کرلی جاتی مقامی افراد کوروزگارفراہم کردیاجاتاتویہ ضائع نہ ہوتی زرائع کے مطابق موجودہ وائس چانسلر کے نااہلی اور غفلت کے باعث نہ صرف یہ سیٹیں ضائع کردی گئی بلکہ ادارہ کابھی نقصان کردیاگیا حالانکہ ان سیٹوں کے لئے اخباراشتہار دیاگیا بلکہ پراسیسنگ فیس کی مد میں بھی بے روزگارافراد سے اپلائی کرنے کے نام پر لاکھوں روپے بٹورلئے گئے ہزاروں درخواستیں جمع ہونے کے باوجود یونیورسٹی ریکرٹمنٹ کاپراسیس تین سال گزرنے کے بعدبھی مکمل نہ ہوسکاجس کے بعد پلاننگ اینڈ ایولویشن ڈیپارٹمنٹ پنجاب نے تمام خالی 350 اسامیوں کوجوکہ 31دسمبر2020 تک خالی تھی ختم کردی جس کاسب سے زیادہ نقصان نہ صرف یونیورسٹی کوہوابلکہ بہاول پورکی عوام بھی 350 کے قریب نوکریوں سے محروم ہوگئی شہریوں نے بتایاکہ وائس چانسلر اوریونیورسٹی انتظامیہ کی غفلت اورمجرمانہ لاپروائی کے باعث350 نوکریاں دینے کی بجائے ان کو ضائع کردیاگیا بلکہ دوسرے لفظوں میں یونیورسٹی کابھٹہ بٹھادیاگیاہے شہریوں کا وزیراعلی پنجاب عثمان بزدار’ گورنرپنجاب’ سیکریٹری لائیوسٹاک اینڈ ڈیری ڈویلپمنٹ لاہور’ چیف سیکریٹری پنجاب سے فوری نوٹس لینے اور کاروائی کامطالبہ کیااس حوالہ سے جب چولستان اینمل اینڈ ویٹرنری یونیورسٹی بہاول پورکے رجسٹرار محمدسلمان مرزاسے موقف لیاگیاتوانہوں نے اس کی تردیدکرتے ہوئے کہاکہ سیٹیں موجودہیں لیکن فنڈز نہ ہونے کے وجہ سے ان پرتعیناتی ممکن نہیں ہوسکی جب بھی حکومت پنجاب کی طرف سے فنڈز ریلیزہونگے تو ان پرتعیناتی کردی جائیگی حالانکہ پنجاب گورنمنٹ کے پلاننگ اینڈ ایولویشن ڈیپارٹمنٹ کی رپورٹ کے مطابق سیٹیں ختم کردی گئی ہیں
