نگران وزیراعلیٰ پنجاب محسن نقوی کی زیر صدارت صوبائی کابینہ کا ہنگامی اجلاس، سانحہ جڑانوالہ کی انکوائری رپورٹ پیش-

لاہور:(یوتھ ویژن سے) نگران وزیراعلیٰ پنجاب محسن نقوی کی زیر صدارت 12 ربیع الاول کے روز وزیراعلیٰ آفس میں صوبائی کابینہ کا ہنگامی اجلاس منعقد ہوا۔پنجاب کابینہ کے اجلاس میں سانحہ جڑانوالہ کی انکوائری رپورٹ پیش کی گئی۔سانحہ جڑانوالہ کی انکوائری رپورٹ آنے کے بعد پنجاب کابینہ نے واقعہ پر جے آئی ٹی تشکیل دینے کا فیصلہ واپس لے لیا۔ پنجاب کابینہ کے اجلاس میں لاہور میں مزید تحصیلیں بنانے کی منظوری دی گئی۔نئی تحصیلیں بننے سے لاہور میں مجموعی طورپر تحصیلوں کی تعداد 9 ہوجائے گی۔اجلاس میں لاہورکی انتظامی لحاظ سے تقسیم کا جائزہ لینے کیلئے خصوصی کمیٹی تشکیل دی گئی۔صوبائی وزراء،مشیران،چیف سیکرٹری اورمتعلقہ حکام نے اجلاس میں شرکت کی۔

-وزیر اعلی پنجاب محسن نقوی نے رات گئے سے علی الصبح تک مختلف تھانو ں کا دورہ کیا۔وزیراعلیٰ محسن نقوی نے تھانہ فیکٹری ایریا شیخوپورہ اور تھانہ شفیق آباد بند روڈ کا معائنہ کیا۔وزیراعلیٰ محسن نقوی نے تھانہ فیکٹری ایریا شیخوپورہ میں موبائل چوری و ڈکیتی کی درخواستوں پر24 گھنٹے میں ایف آئی آر کا اندراج نہ ہونے پر شدید برہمی کااظہار کیا اورایس ایچ او کو فوری طور پر عہدے سے ہٹانے کاحکم دیا۔ وزیراعلیٰ محسن نقوی نے کہاکہ مقرر کردہ مدت کے اندردرخواستوں پر کارروائی کرتے ہوئے مقدمہ درج ہونا چاہیے۔مقدمے میں تاخیر کسی صورت برداشت نہیں – مقرر کردہ مدت کے اندردرخواستوں پر کارروائی کرتے ہوئے مقدمہ درج  ہونا چاہیے۔وزیراعلی محسن نقوی نے اس سلسلے میں انسپکٹر جنرل پولیس فوری طور پر ہدایات جار ی کیں – وزیراعلیٰ محسن نقوی نے دونوں تھانوں میں فرنٹ ڈیسک پر شہریوں کی درخواستوں پر ہونے والی پیشرفت کاجائزہ لیا۔ وزیراعلیٰ محسن نقوی نے فرنٹ ڈیسک،مال خانے، محرر روم، انوسٹی گیشن روم اور دیگر شعبوں کا جائزہ لیا۔وزیر اعلی محسن نقوی نے حوالات میں ملزمان سے ان کے کیسز کے بارے پوچھا۔ سود کی رقم واپس نہ کرنے اور چیک باونس کیس کا تھانہ شفیق آباد کی حوالات میں بند ایک ملزم اپنی داستان سناتے رو پڑا۔وزیر اعلی محسن نقوی نے دلاسہ دیا اور انصاف فراہم کرنے کی یقین دہانی کرائی اور ملزم کے ذمہ واجب الااد رقم ادا کرنے کا اعلان کرتے ہوئے ہدایت کی کہ رہائی کے لیے تمام قانونی کارروائی پوری کی جائے۔وزیر اعلی محسن نقوی نے سود کا کاروبار کرنے والے عناصر کے خلاف کریک ڈاؤن کا حکم دیا۔شفیق آباد تھانے میں موجود خواتین سائلین نے وزیر اعلی محسن نقوی کو اپنے کیس سے آگاہ کیا،خواتین کی درخواست پر قانون کے مطابق کارروائی کا حکم دیا۔وزیر اعلی محسن نقوی نے تھانہ شفیق آباد کے مال خانہ کو بہتر جگہ منتقل کرنے کی ہدایت کی۔صوبائی وزیر اطلاعات عامر میر، انسپکٹر جنرل پولیس اور سی سی پی او بھی ہمراہ تھے۔