دوقومی نظریےکی بنیاد پرحاصل ہونےوالےوطن کی حفاظت سیکورٹی فورسز کے ساتھ ساتھ ہرفرد کی ذمہ داری، ڈاکٹرسائرہ بانو
رحیم یار خان : ڈپٹی ڈائریکٹر کالجز ڈاکٹر سائرہ بانو نے کہا ہے کہ نوجوان نسل کو اباؤ اجداد کی قربانیوں سے حاصل ہونے والے خطہ پاکستان کی تعمیر و ترقی میں بھر پور دلچسپی لینی چاہئے، دو قومی نظریے کی بنیاد پر حاصل ہونے والے وطن کی حفاظت سیکورٹی فورسز کے ساتھ ساتھ ہر فرد کی ذمہ داری ہے،
مثبت سوچ اور بہترین تعلیم کے حصول سے وطن عزیز کو حقیقی معنوں میں قائد کا پاکستان بنایا جا سکتا ہے۔ یوم آزادی کے حوالے سے میڈیا کے نمائندوں سے گفتگو کرتے ہوئے انہوں نے کہا کہ پاکستان کے عوام خصوصاً نوجوان نسل بیش بہا قربانیوں سے حاصل ہونے والے اس خطے کو دنیا کے نقشے پر عظیم مقام دلانے کے لئے اپنا کردار ادا کرنے کی ضرورت ہے۔
پاکستان کا نوجوان طبقہ یوم آزادی کے موقع پر اس بات کا عہد کریں کہ وہ وطن عزیز کی تعمیرو ترقی اور نیک نامی کے لئے دن رات خلوص دل سے محنت کریں گے اور اقوام عالم میں پاکستان کے مثبت وجود کو اجاگر کرنے میں کوئی کسر اٹھا نہ رکھیں گے۔
ڈاکٹر علامہ محمد اقبالؒ کے خواب کی تعبیر اور بانی پاکستان قائد اعظم محمد علی جناحؒ کے ویژن کو عملی جامہ پہنانے کے لئے پاکستان کی ترقی کو ممکن بنانا وطن عزیز کے ہر شہری پر فرض ہے۔ انہوں نے کہا کہ معاشرے میں پائی جانے والی بے یقینی اور افراتفری سے قطع نظر کر کے پاکستانیت کی سوچ کو پروان چڑھانے کی اشد ضرورت ہے۔
پاکستان میں بسنے والا ہر شہری پاکستان کا محافظ ہے اور اپنے وطن کی حفاظت کے لئے کسی قسم کی قربانی سے دریغ نہیں کیا جائے گا، 14 اگست کا دن نہ صرف پاکستان کے قیام اور آزادی کا دن ہے بلکہ ہمارے اباؤ اجداد کی لازوال قربانیوں کا خراج عقیدت پیش کرنے کا بھی تقاضا کرتا ہے، ماؤں، بہنوں کی عزت اور بزرگوں کی جانوں کے نذرانے دے کر حاصل ہونے والے خطے کو قائم و دائم رکھنے کے لئے انفرادی اور اجتماعی سطح پر مثبت کردار ادا کرنے کی ضرورت ہے۔یہ