حارث رؤف کی دلہن کے ساتھ شادی کی تصاویرشوشل میڈیا پر شیئر
یوتھ ویژن نیوز : قومی ٹیم کے فاسٹ بولر حارث رؤف نے دلہن کے ساتھ اپنی شادی کی تصاویر شیئر کردیں۔
حارث رؤف کا نکاح گزشتہ سال دسمبر میں اپنی کلاس فیلو مزنا مسعود ملک سے ہوا تھا، جبکہ شادی کی تقریبات گزشتہ دنوں منعقد ہوئیں، جس میں کرکٹ حلقے سمیت مختلف شخصیات نے شرکت کی۔پاکستان کرکٹ ٹیم کے فاسٹ بولر حارث رؤف نے شادی کے بعد اپنے ٹوئٹر اکاؤنٹ پر اہلیہ مزنا کے ساتھ تصاویر شیئر کی ہیں۔
ٹوئٹر پر شیئر کی گئی تینوں تصاویر میں سے دو میں حارث اور ان کی اہلیہ مزنا بارات اور ولیمے کا سوٹ پہنے نظر آرہی ہیں، جبکہ تیسری تصویر میں دونوں نے اپنے ہاتھوں میں پان رکھے ہوئے ہیں۔
مداحوں کی جانب سے نوبیاہتا جوڑے کیلئے تہنیتی پیغامات کا سلسلہ جاری ہے، اور صارفین ان کی تصاویر کو خوب پسند بھی کررہے ہیں۔
ٹیم کے دیگر کھلاڑیوں کی جانب سے بھی حارث رؤف کیلئے نیک تمناؤں کا اظہار کیا گیا ہے۔
فاسٹ بولر کے ولیمے کی تقریب اسلام آباد میں ہوئی، جس میں وزیر دفاع خواجہ محمد آصف قومی ٹیم کے سابق کپتان مصباح الحق، اوپننگ بیٹر فخر زمان، آل راؤنڈر فہیم اشرف، سہیل تنویر اور موسیٰ خان بھی موجود تھے۔ دعوت ولیمہ میں لاہور قلندرز کے چیف آپریٹنگ آفیسر عاطف رانا اور ہیڈ کوچ عاقب جاوید بھی موجود تھے۔
