الیکشن آئین کےمطابق90 روز میں ہوں،اسلام آباد ہائیکورٹ بار کا سپریم کورٹ سے رجوع
یوتھ ویژن نیوز (قاری عاشق حسین سے ) پنجاب اور خیبرپختونخوا میں انتخابات کا معاملہ ، اسلام آباد ہائیکورٹ بار ایسوسی ایشن نے سپریم کورٹ سے رجوع کر لیا۔
یہ بھی پڑھیں: انتخابات کیلئے وکلاء کردار ادا کرنا ہوگا،عمران خان
اسلام آباد ہائیکورٹ بار ایسوسی ایشن کی جانب سے دائر درخواست میں موقف اپنایا گیا ہے کہ آئین کے مطابق اسمبلی تحلیل ہونے کے 90 دن کے اندر انتخابات کرانا لازمی ہیں۔ الیکشن کمیشن اور گورنرز 90 روز کے اندر انتخابات کرانے کے پابند ہیں۔ اسمبلیوں کے تحلیل کے بعد حلقوں کو عوامی نمائندگی کے بغیر خالی نہیں چھوڑا جاسکتا۔
90 روز کے اندر انتخابات نہ کرانے سے بنیادی حقوق متاثر ہوں گے۔
درخواست میں استدعا کی گئی ہے کہ گورنرز اور الیکشن کمیشن کو انتخابات کی تاریخ کے اعلان کا حکم دیا جائے۔
یہ بھی پڑھیں: ترکیہ اور شام میں قیامت خیز زلزلے سے ہلاکتوں کی تعداد 10،000 سے بڑھ گئی
درخواست میں گورنر پنجاب،گورنر کی پی اور الیکشن کمیشن کو فریق بنایا گیا ہے۔وفاقی حکومت اور صوبائی چیف سیکرٹریز کو بھی فریق بنایا گیا ہے
