ایران میں زلزلے سے 3 افراد ہلاک، 820 زخمی
یوتھ ویژن نیوز ( ثاقب غوری سے )ایران میں 5.9 شدت کے زلزلے سے 3 افراد ہلاک جب کہ 820 زخمی ہوگئے ہیں۔
یہ بھی پڑھیں: آئندہ سال کے انتخابات ملک کو بچانےکا آخری موقع ہے،ڈونلڈ ٹرمپ
ایران کے شمالی صوبہ آذربائیجان میں ہفتے اور اتوار کی درمیانی رات زلزلے کے شدید جھٹکے محسوس کئے گئے، جس کی شدت ریکٹر اسکیل پر 5.9 تھی۔
زلزلے کے جھٹکے ایران کے شمالی علاقوں میں محسوس کئے گئے تاہم سب سے زیادہ نقصان خوئے شہر میں ہوا جہاں کم از کم 3افراد ہلاک جب کہ 820 زخمی ہوگئے۔
علاقے میں بڑے پہیمانے پر گھر تباہ اور سرکاری املاک کو نقصان پہنچا ہے، جس کی وجہ سے ایران کے شمالی حصے میں بجلی کی فراہمی معطل ہوگئی ہے۔
یہ بھی پڑھیں: میٹا اورمائیکروسافٹ کے بعد آئی بی ایم کا بھی ہزاروں ملازمین فارغ کرنے کا فیصلہ
دوسری جانب زلزلے کے بعد آفٹر شاکس کا سلسلہ بھی جاری ہے، اب تک 40 کے قریب آفٹر شاکس محسوس کئے گئے ہیں، جن میں سے سب سے زیادہ شدت 4.9 ریکارڈ کی گئی ہے۔