خبردار! کراچی والے تیار رہیں، محکمہ موسمیات کی سخت سردی کی پیشگوئی

یوتھ ویژن نیوز ( عمران قذافی سے )بلوچستان کی ٹھنڈی ہواؤں سے کراچی میں سخت سردی کا امکان ہے۔12 سے 18 جنوری تک شہر میں سخت سردی پڑے گی۔

 محکمہ موسمیات کے مطابق کراچی میں آئندہ ہفتے رات کا درجہ حرارت سنگل ڈیجٹ میں جاسکتا ہے۔ شہر میں کم سے کم درجہ حرارت 6 ڈگری تک جاسکتا ہے تاہم بارش کا کوئی امکان نہیں۔

یہ بھی پڑھیں: زیادہ جھوٹ کون بولتا ہےمرد یا خواتین؟ سارا پول کھل گیا

ڈائریکٹرمیٹ سردارسرفراز کا کہنا تھا کہ  کراچی میں سردی کی لہر 10فروری تک جاری رہے گی۔

دوسری جانب محکمہ موسمیات نے بدھ سے جمعہ کے ملک کے بالائی علاقوں میں بارش اور پہاڑوں پر برفباری کی پیشگوئی کردی۔

محکمہ موسمیات کے مطابق 10 جنوری سے مغربی ہوائیں شمالی بلوچستان کے علاقوں میں داخل ہورہی ہیں۔ 11 جنوری سے مغربی ہوائیں ملک کے بالائی علاقوں پر اثرانداز ہوں گی۔