میڈیکل کے طلبہ کے لئے خوشخبری ایم ڈی کیٹ ٹیسٹ کے امیدواروں کوگریس نمبردینےکا فیصلہ
یوتھ ویژن نیوز (علی رضا سے )ایم ڈی کیٹ ٹیسٹ دینے والے امیدواروں کوگریس نمبر دینےکا فیصلہ غلطیوں کی نشاندہی پر میڈیکل اینڈ ڈینٹل کالج ایڈمیشن ٹیسٹ (ایم ڈی کیٹ) دینے والے امیدواروں کو گریس نمبر دینےکا فیصلہ کیا گیا ہے۔
صدر پاکستان میڈیکل کمیشن (پی ایم سی) ڈاکٹر نوشاد شیخ کی زیرصدارت ایم ڈی کیٹ امتحانی تجزیہ کا اجلاس ہوا جس میں طلبہ کو گریس نمبر دینےکا فیصلہ کیا گیا۔
یہ بھی پڑھیں؛ گیس بحران بڑھنے کاخدشہ،عالمی کمپنیوں کا پاکستان کوایل این جی دینے سےانکار
پی ایم سی کی جانب سے جاری اعلامیے کے مطابق امتحان میں8 فیصد طلبا غیرحاضر رہے، صدر پی ایم سی ڈاکٹر نوشاد احمد شیخ نے ہدایت کی کہ تمام پبلک یونیورسٹیوں کے وائس چانسلرز امتحانی پرچے پر نظرثانی کریں، ایم ڈی کیٹ امتحان میں غیر نصابی سوالات کےگریس نمبر تمام طلبا کو دیے جائیں۔
صدر پی ایم سی ڈاکٹر نوشاد احمد شیخ کا کہنا ہےکہ کسی بھی طالب علم سے زیادتی نہیں ہوگی۔
ترجمان پاکستان میڈیکل کمیشن کا کہنا ہےکہ ایک ہفتے میں ایم ڈی کیٹ امتحان کا نتیجہ دیا جائےگا۔