وائس چانسلراسلامیہ یونیورسٹی پروفیسر ڈاکٹراطہرمحبوب کیجانب سےعلی رضا غوری کو تعریفی سند سے نوازا گیا

روزنامہ یوتھ ویژن بہاولپور کے سوشل میڈیا ٹیم کےممبر اور یوتھ ایمبسڈر جناب علی رضا غوری کو وائس چانسلر اسلامیہ یونیورسٹی بہاولپور کی جانب سے کچن گارڈننگ کے حوالے سے منعقدہ سہ روزہ ورکشاپ میں یونیورسٹی کی جانب سے شرکت کرنے اور بہترین کارکردگی دکھانے پر تعریفی سرٹیفیکٹ سے نواز گیا۔ ورکشاپ کا انعقاد اسلامیہ یونیورسٹی کے شعبہ زراعت کی جانب سے کیا گیا جس میں ملک بھر کی تمام زرعی یونیورسٹیوں کے طالب علموں ، ماہرین ، پبلک اور پرائیویٹ اداروں کے سربراہان اور نمائندوں نے شرکت کی۔ اس ورکشاپ کا مقصد بڑے شہروں میں جہاں خاص کر آبادی کا تناسب اور زرعی اجناس کے تناسب میں فرق میں واضح اضافہ ہوا ہے ، اور لوگ زہریلی ادویات، کیمکل سے تیار شدہ کھاد سے متاثرہ اور گندے پانی کے ذریعے زیر کاشت سبزیاں اور پھل مہنگے داموں خریدنے پر مجبور ہیں۔ اور مزید یہ کہ دنیا میں خوراک کا بحران پیدا ہو رہا ہے ان سب حالات کے پیش نظر ضرورت اس امر کی ہے کہ کچن گارڈننگ کی صعنت کو فروغ دیا جائے تاکہ لوگ کم سے کم جگہ پر اپنی ضرورت کے مطابق کھاد اور سپرے سے محفوظ صاف پانی کی سبزیاں بلکل مفت حاصل کرسکیں۔ اس سلسلے میں چھت، گیلری، گملوں میں سبزیاں اور پھل اگائے جاسکتے ہیں۔