ٹینس سٹار ثانیہ مرزا کی نشتر پارک سپورٹس کمپلیکس کے ٹینس کورٹ میں پریکٹ

لاہور (عمران منیرقذافی سے ):عالمی شہرت یافتہ ٹینس سٹار ثانیہ مرزا نے نشتر پارک سپورٹس کمپلیکس میں سپورٹس بورڈ پنجاب کے سٹیٹ آف دی آرٹ ٹینس کورٹ میں پریکٹس کی۔ منگل کے روز ثانیہ مرزا نے پاکستان کے انٹرنیشنل ٹینس سٹار اعصام الحق اور عقیل خان کے ساتھ ڈیڑھ گھنٹےتک پریکٹس کی۔

اس موقع پر ڈپٹی ڈائریکٹر سپورٹس چاند پروین اور پی آر او عبدالروف سے گفتگو کرتے ہوئے عالمی شہرت یافتہ ٹینس سٹار ثانیہ مرزا نے کہا کہ سپورٹس بورڈ پنجاب نے شاندار ٹینس کورٹ بنایا ہے، ٹینس کورٹ میں عالمی معیار کی سہولیات دیکھ کر خوشی ہوئی،

ٹینس کورٹ میں جدید سہولیات موجود ہیں،یہاں پریکٹس کرکے لطف آیا ہ۔ پاکستان میں ٹینس کا بہت ٹیلنٹ ہے، ٹینس کورٹ کی سہولیات سے ٹینس کے کھیل کو فروغ ملے گا۔ اس موقع پر ایڈمنسٹریٹر ٹینس کورٹ رحمت اللہ بھی موجود تھے۔