یورپ کا ایک اورشہر آزاد ہوگیا
یوتھ ویژن نیوز ( ویب ڈسک ) آذر بائیجان نے آرمینیا سے ایک اور شہر کو آزاد کروا لیا ہے۔
تفصیلات کے مطابق آذربائیجان کی وزارت خارجہ کا کہنا ہے کہ روسی امن فوج نے لاچن شہر کا کنٹرول آذری فوج کے حوالے کر دیا ہے۔
آرمینیا کو کاراباخ سے ملانے والی سڑک لاچن شہر سے ہو کر گزرتی ہے جس کے باعث یہ انتہائی اہمیت کا حامل تھا۔ لاچین ایک پہاڑی علاقہ ہے جو کہ آرمینیا اور نگورنو کاراباخ کے الگ ہونے والے علاقے کے دارالحکومت سٹیپاناکرت کے درمیان واحد ٹرانزٹ آپشن ہے۔
یہ بھی پڑھیں: جنوبی کوریا ایک بار پھردنیا میں کم ترین شرح پیدائش والا ملک
آذربائیجان حکام کے مطابق شہر کا کنٹرول ایک معاہدے کے تحت واپس لیا گیا جبکہ صدر آذر بائیجان الہام علیوف نے لاچن شہر واپس لینے پر قوم کو مبارکباد دی۔
آذربائیجان کے صدر الہام علیئیف نے سماجی رابطہ ویب سائٹ ٹویٹر پر لکھا ہے کہ ان کے ملک کی فوجیں 2020 میں آرمینیا کے ساتھ ہونے والے امن معاہدے کے مطابق وہاں تعینات روسی امن فوجیوں کی جگہ لے کر اسٹریٹجک شہر لاچین میں منتقل ہو گئی ہیں۔
ہم آذربائیجانی لاچین واپس آگئے ہیں۔ آذربائیجان کی فوج اب لاچین شہر میں تعینات ہے۔ زبوخ اور سوس کے دیہات کو کنٹرول میں لے لیا گیا۔
واضع رہے کہ لاچن شہر پر 1994 سے آرمینیا قابض تھا جبکہ 2020 میں آذر بائیجان اور آرمینیا کے درمیان جنگ بندی معاہدے کے بعد شہر کا انتظام روسی امن فوج کے حوالے کیا گیا تھا۔ اس تنازعہ نے نہ صرف ناگورنو کاراباخ بلکہ اردگرد کی زمینوں کا بڑا حصہ آرمینیائی ہاتھوں میں چھوڑ دیا تھا۔
