بالی وڈ کے مشہور ہدایت کار ساون کمار انتقال کرگئے

 بالی وڈ کے نامور فلمساز اور ہدایت کار   ساون کمار  طویل علالت کے بعد ممبئی کے دھیروبائی امبانی ہسپتال میں انتقال کرگئے۔

86 سالہ ساون کمار کے  بھتیجے نوین کمار کے مطابق انہیں نمونیا ہوا تھا جس کے بعد پھیپھڑوں سمیت ان کے مختلف اعضا نے کام چھوڑ دیا اور ہارٹ اٹیک کے باعث ان کی موت ہوگئی۔ ان کی آخری رسومات جمعہ کو ادا کی جائیں گی۔

یہ بھی پڑھیں: عامر خان اپنی فلم لال سنگھ چڈھا کی ناکامی پرشدید ذہنی دباؤ کا شکار ہیں، کرن راؤ

انہوں نے بالی وڈ کے لیجنڈ ایکٹر سنجیو کمار، کامیڈین محمود کو فلم انڈسٹری میں متعارف کرایا۔

یاد رہے کہ ساون کمار بالی وڈ کے جانے مانے فلمساز تھے۔ 1967 میں فلم ’’ننھیال‘‘ سے  پروڈکشن کا آغاز کرنے والے ساون کمار نے صدارتی ایوارڈ سمیت متعدد قومی ایوارڈز اور اعزاز حاصل کئے۔ 1972 میں انہوں نے اداکارہ مینا کماری کو لے کر فلم ’’گومتی کے کنارے’’ سے اپنے ہدایتکاری کے دور کا آغاز کیا۔

انہوں نے گیت بھی لکھے اور فلم ’’کہو نہ پیار ہے‘‘ سے اپنے شاعری کے کیرئر کا آغاز کیا۔ انہوں نے فلم ’’ سوتن‘‘ اور ’’ سوتن کی بیٹی ‘‘  ’’ بیوفا‘‘ سمیت متعدد  فلموں کے لئے گیت لکھے۔ انہوں نے فلم  ’’صنم بے وفا‘‘ ساجن بنا سہاگن  میں سلمان خان کو کاسٹ کیا۔