ہم باربارکہہ رہے ہیں سہولت کاربازآجائیں،خواجہ سعدرفیق
لاہور (مظہر چشتی سے ) – وزیر ریلوے خواجہ سعد رفیق کہتے ہیں ہم بار بار کہہ رہے ہیں سہولت کار باز آجائیں، ایک وقت میں 2 فیصلے نہیں ہوں گے، فیصلہ وہ ہونا چاہئے جسے لوگ کہیں کہ انصاف کے مطابق ہوا ہے۔
سوموار کے روز لاہور میں میڈیا سے گفتگو کرتے ہوئے انہوں نے کہا کہ عمران خان یا کسی فرد واحد کی مرضی سے پاکستان نہیں چلے گا۔ عمران خان نے ذہنوں کو آلودہ کردیا، نوجوانوں کو گمراہ کر رہے ہیں۔
خواجہ سعد رفیق نے کہا کہ 2018 کا الیکشن چھینا گیا مگر نہ چاہتے ہوئے بھی تسلیم کرلیا۔ ن لیگ کے چہرے اچھے نہیں لگتے تھے اس لئے پراجیکٹ عمران لانچ کیا گیا۔ ہم نے کیا لوٹا ہے وہ سامنے لایا جائے؟ وہ پیسہ کہاں سے آیا ہے، جوعمران خان استعمال کررہا ہے؟
Load/Hide Comments