پارٹی کا ہیڈ دیکھ کر فیصلے ہوتے ہیں، مریم نواز
اسلام آباد (قاری عاشق حسین سے ) – مسلم لیگ نون کی نائب صدر مریم نواز کہتی ہیں کہ پارٹی کا ہیڈ دیکھ کر فیصلے ہوتے ہیں، آئین کی تشریح بدل جاتی ہے، اپنے ہی کئے فیصلے بدل جاتے ہیں۔
نون لیگ کی نائب صدر مریم نواز نے عدالت عظمی کے ججز پر شدید تنقید کی، حکومتی اتحادی جماعتوں کے قائدین کے ساتھ پریس کانفرنس میں بولیں کہ متنازعہ فیصلے عدالت کی توہین کرتے ہیں، ایک غلط فیصلہ پورے مقدمے کو اڑا کر رکھ دے گا۔
انہوں نے کہا کہ دوست مزاری کو فوری طلب کیا گیا، قاسم سوری کو کیوں نہیں بلایا گیا؟ چودھری شجاعت کوبلایا جاتا ہے اور عمران خان پر آئین کی تشریح ہی بدل جاتی ہے، عمران خان چار سال سیاہ اور سفید کا مالک رہا، کیا کسی عدالت نے سوموٹو لیا؟ کیا کسی عدالت میں عمران خان کے خلاف سوموٹو لینے کی ہمت ہے، ترازو ٹھیک ہونا چاہئے کیونکہ کفر کا نظام چل سکتا ہے ظلم کا نہیں۔ مریم نواز کا مزید کہنا تھا کہ فیصلہ ٹھیک کیا جائے تو تنقید کوئی معنی نہیں رکھتی، ناانصافیوں کی فہرست بہت طویل ہے، پی ایم ایل این کو مائنس کردیں، کہاں کی بات ہے۔