ایم پی ایز کو پیسوں کی آفر کا معاملہ، راحیلہ خادم نے بھانڈا پھوڑ دیا

لاہور(یاسر ملک سے ) پاکستان مسلم لیگ (ن) کی ایم پی اے راحیلہ خادم حسین نے تحریک انصاف کی جانب سے لگائے جانے والے الزام کی تردید کرتے ہوئے کہا کہ ان کے کسی ممبر کو پیسوں کی آفر نہیں۔
رکن پنجاب اسمبلی راحیلہ خادم حسین نے نجی چینل سے خصوصی گفتگو کرتے ہوئے کہا کہ میں پی ٹی آئی کے الزام کی سختی سے تردید کرتی ہوں اور میرے فون سے پی ٹی آئی اراکین سے کوئی رابطہ نہیں کیا گیا اور نہ ہی کسی کو پیسے آفر کئے ہیں۔
ان کا یہ بھی کہنا تھا کہ شہباز گل، فواد چوہدری اور ڈاکٹر یاسمین راشد نے میرا رابطہ نمبر اپنے گروپوں میں شیئر کیا جبکہ کل رات سے پی ٹی آئی کارکنوں نے میرے موبائل فون پر طوفان بدتمیزی برپا کیا ہوا ہے اور میں 300 سے زائد نمبرز بلاک کر چکی ہوں۔
انہوں نے مزید کہا کہ پی ٹی آئی والے میرے موبائل سے ان کے اراکین سے رابطوں کے ثبوت عدالت میں پیش کریں اور میں بھی اپنے ثبوت عدالت میں پیش کروں گی جبکہ میں خود بھی پی ٹی آئی کے اس الزام کیخلاف عدالت سے رجوع کروں گی