قومی اسمبلی میں اپوزیشن لیڈرکون بنے گا ،تحریک انصاف کا ناموں پرغورشروع

یوتھ ویژن نیوز (مبشربلوچ سے ) عدالت سے 43 ارکانِ قومی اسمبلی کو ریلیف ملنے کے بعد تحریکِ انصاف نے قومی اسمبلی میں اپوزیشن لیڈر کی نامزدگی پر غور شروع کر دیا۔

ذرائع کے مطابق چیئرمین پی ٹی آئی عمران خان اور پارٹی رہنماؤں کے درمیان اپوزیشن لیڈر کی نامزدگی پر مشاورت ہوئی ہے۔

یہ بھی پڑھیں: ن لیگ کےارکان اسمبلی وزیراعظم شہباز شریف پر برہم 

ذرائع کا کہنا ہے کہ پی ٹی آئی نے ابتدائی مرحلے میں اپوزیشن لیڈر کے لیے 4 ناموں پر غور شروع کر دیا ہے۔

پی ٹی آئی کے ذرائع نے بتایا ہے کہ متوقع اپوزیشن لیڈر کے 4 ناموں میں 2 خواتین بھی شامل ہیں۔

پی ٹی آئی کے ذرائع نے یہ بھی بتایا ہے کہ اپوزیشن لیڈر کے لیے طاہر صادق، نصر اللّٰہ رضا، منزہ حسن اور نوشین حامد کے ناموں پر غور کیا گیا۔