ہوشیار، خبردار: وٹس ایپ پرایک امیج سے فون ہیک،بچنےکیلیے ابھی سیٹنگ تبدیل کریں
یوتھ ویژن نیوز(عاقب غوری سے) ہیکرز لوگوں کو اپنا شکار بنانے کے لیے روزانہ نئے طریقے تلاش کرتے رہتے ہیں۔ اب GIF امیج سے متعلق ایک نیا معاملہ سامنے آیا ہے۔ ہیکرز عام طور پر لوگوں کو نشانہ بنانے کے لیے فشنگ لنکس کا استعمال کرتے ہیں۔ لیکن اب GIF کو ہیکنگ کے لیے استعمال کیا جا رہا ہے جو کہ بیحد خطرناک ہے۔ اس سے ہیکرز آسانی سے آپ کے فون میں داخل ہو سکتے ہیں۔
یہ بھی پڑھیں: ایک ہی کمبل کا استعمال اور ازدواجی مسائل میں کیا تعلق؟
اب یہ معاملہ اس وجہ سے واٹس ایپ سے جڑا ہوا ہے۔ کیونکہ ہیکرز صرف واٹس ایپ کے ذریعے لوگوں کو نشانہ بنا رہے ہیں۔ واٹس ایپ میں ایسے بہت سے فیچرز ہوتے ہیں، جن سے ہر کوئی واقف نہیں ہوتا ہے۔ ایسی صورتحال میں ہم آپ کو یہاں ایک ایسی سیٹنگ کے بارے میں بتانے جا رہے ہیں جسے آپ کو واٹس ایپ میں بند کرنا ہوگا۔ تاکہ آپ کسی بھی ممکنہ خطرے سے بچ سکیں۔ دراصل ہیکرز اب فشنگ لنکس کے بجائے GIF امیجز میں فشنگ اٹیک لگا رہے ہیں۔ اسے GIFShell کا نام دیا گیا ہے۔ پچھلے سال تک واٹس ایپ میں ایک کمزوری تھی جس کی وجہ سے ہیکرز صرف GIF تصاویر بھیج کر کسی کا فون ہیک کر سکتے تھے۔ اگرچہ واٹس ایپ نے اس Vulnerability کو ٹھیک کر دیا ہے۔ لیکن، یوزرس کی غلطی کی وجہ سے ہیکرز پھر بھی فون کا ایکسز حاصل کر سکتے ہیں۔
یہ بھی پڑھیں: رومن اردو ایک بڑی غلطی
دراصل بہت سے لوگوں کے فون میں واٹس ایپ کا میڈیا آٹو ڈاؤن لوڈ کا فیچر آن رہتا ہے۔ اگر یہ سیٹنگ بند نہیں ہے، تو کسی نامعلوم ذریعہ سے آنے والی ویڈیوز، GIFs، تصاویر یا دیگر فائلیں خود بخود ڈاؤن لوڈ ہو جاتی ہیں۔ ایسی صورت حال میں ہیکرز اس کا فائدہ اٹھا سکتے ہیں۔
