بھاولپور تعلیمی بورڈ نے میٹرک کے سالانہ امتحان کی تاریخ کا اعلان کر دیا
بہاول پور(علی رضا غوری سے )تعلیمی بورڈ بہاول پور کے زیر اہتمام امتحان میڑک سالانہ 2022 10مئی بروز منگل سے شروع ہوگا۔ جس کے لیے بغیر لیٹ فیس داخلہ فارم آن لائن کرنے اور ہارڈ کاپی بورڈ آفس میں جمع کرانے کی آخری تاریخ 28فروری 2022 ہے۔ اس کے بعد 2گنا فیس کے ساتھ 14مارچ اور 3 گنا فیس کے ساتھ آخری تاریخ 22مارچ مقرر کی گئی ہے۔ داخلہ کے خواہشمند امیدواران اپنی رہائش کے قریب ترین سرکاری یا بورڈ سے الحاق شدہ تعلیمی ادارے کے ہیڈ ماسٹر ، ہیڈ مسٹریس یا پرنسپل سے تصدیق شدہ داخلہ فارم اور فیس وغیرہ کی ہارڈ کاپی متعلقہ اسسٹنٹ کنٹرولر میڑک (بہاول پور یا بہاول نگر یا رحیم یار خان) تعلیمی بورڈ بہاول پور کے نام علیحدہ رجسٹر ڈاک لفافہ میں صرف ایک ہی داخلہ فارم مقرر کردہ تاریخ کے اندر ارسال کریں۔ مزید فیس شیڈول و دیگر معلومات کے لیے بورڈ کی ویب سائٹ www.bisebwp.edu.pk ملاحظہ کریں۔