کامرس ڈیپارٹمنٹ اسلامیہ یونیورسٹی بہاولپور میں ریکروٹمنٹ ڈرائیو کا انعقاد

بہاولپور (یاسر ملک سے ) شعبہ کامرس اسلامیہ یونیورسٹی بہاولپور کے زیر اہتمام خوشحالی بنک لمیٹڈ کی جانب سے آن کیمپس ریکروٹمنٹ ڈرائیو کا اہتمام کیا گیا۔ اس موقع پرچئیرمین شعبہ کامرس پروفیسرڈاکٹر محمد عبدالماجد مکی، فیکلٹی ممبران، ڈائریکٹر کیرئیر کونسلنگ اینڈ پلیسمنٹ، اسلامیہ یونیورسٹی، شاہد درانی، کے علاوہ یونیورسٹی گریجویٹس نے شرکت کی۔ خوشحالی بنک کی جانب سے ریجینل بزنس اینڈ ایچ آر مینیجر، واحد بخش، ایچ آر مینیجر محترمہ عابدہ بزدار صاحبہ نے شرکت کی۔ بنک افسران کی جانب سے ملازمت کے حصول کے لئے آئے شرکاءکوخوشحالی بنک میں موجود ملازمت کے مواقعوں کے بارے میں تفصیل سے بتایا گیا۔ واحد بخش نے کہا کہ خوشحالی مائیکروفنانس بنک خواتین کو کام کرنے اور ترقی کے یکساں مواقع فراہم کرنے کے ساتھ ساتھ بنک میں کام کرنے کا بہترین ماحول فراہم کرتا ہے۔ ان کا کہنا تھا کہ بنک کی جنوبی پنجاب میں واقع تحصیل کی سطح پر 60 سے زائد برانچز کام کر رہی ہیں اور ان تمام برانچز کی افرادی قوت کی ضرورت اس تقریب میں شامل گریجویٹس کے ذریعے پوری کی جائیں گی۔اپنے خطاب میں پروفیسرڈاکٹر محمد عبدالماجد مکی نے طلباءپر زورد یا کہ وہ اپنی تمام تر توانائی اور وسائل بروئے کارلاتے ہوئے اپنی پیشہ ورانہ صلاحیتوں میں صنعتوں کی جدید ضروریات کے مطابق اضافہ کریں تاکہ وہ مستقبل کے چیلنجز کا سامنا کر سکیں۔