اسٹیشن ڈائریکٹر ریڈیو پاکستان بہاول پورڈاکٹر خالد اقبال نے عہدے کا چارج سنبھال لیا
بہاول پور( محمد سانول سے )اسٹیشن ڈائریکٹر ریڈیو پاکستان بہاول پورڈاکٹر خالد اقبال نے عہدے کا چارج سنبھال لیاہے ۔اس حوالہ سے مقامی ہوٹل میں ان کے اعزاز میں ظہرانے جبکہ سابق اسٹیشن ڈائریکٹر ریڈیو پاکستان بہاول پور محمد تسلیم لنگاہ کے اعزاز میں الوداعیہ تقریب کا انعقاد کیا گیا۔ تقریب میں کنٹرولر نیوزریڈیو پاکستان پنجاب سجاد پرویز اور ڈائریکٹر انفارمیشن بہاول پور ڈویژن ڈاکٹر ناصرحمیدنے بطور مہمانان اعزاز شرکت کی۔ تقریب سے خطاب کرتے ہوئے مقررین نے جدید دور میں ریڈیو پاکستان کی اہمیت و افادیت کو اجاگر کیا اورریڈیو پاکستان کی خدمات کو خراج تحسین پیش کرتے ہوئے کہا کہ ریڈیوپاکستان ملک کی آواز ہے اور ہماری پہچان ہے۔ ہمیں ادارے ریڈیو پاکستان کی تعمیر ترقی اور بہتری کے لیے مثبت کردار ادا کرنا ہے۔ اس موقع پر مقررین نے سابق اسٹیشن ڈائریکٹر محمد تسلیم لنگاہ کی خدمات کو سراہا ۔ بطور اسٹیشن ڈائریکٹر ریڈیو پاکستان بہاول پور کے عہدے کا چارج سنبھالنے والے ڈاکٹر خالد اقبال کو گلدستے پیش کیے گئے۔ تقریب میں سینئر براڈ کاسٹر شہناز حسن، سابق ڈائریکٹر نیوز ریڈیو پاکستان جاوید اختر، سینئر پروڈیوسر محمد عاشق عباسی، سینئر کمپیئر الطاف حسین شاہ، کمپیئر ڈاکٹر محمد شہزاد رانا، سینئر کمپیئر محمد نواز عباسی، سیکشن آفیسر سینئر کمپیئر ارشاد بھٹی، سینئر کمپیئر آفیسر بورڈ محمد اعجاز خان، کمپیئر گلشن نصیر، کمپیئر محمد اقبال سانول اور کمپیئر کاشف جاوید نے مہمانان کا استقبال کیا۔
