شاہ رخ کی فلم”جوان“اب تک کی سب سے مہنگی فلم بن گئی

یوتھ ویژن نیوز : بالی وڈ سپر سٹار شاہ رخ خان کی میگا تھرل ایکشن فلم ’جوان‘ کی ریلیز کی تاریخ قریب آرہی ہے جس سے شاہ رخ کے مداحوں کا جوش و خروش بڑھتا جارہا ہے۔ 
بھارتی میڈیا کے مطابق جولائی میں فلم جوان کے مختصر ٹیزر کی ریلیز کے بعد سے  فلمی تجزیہ کاروں کا کہنا ہے کہ شاہ رخ  کی نئی فلم "جوان” بلاک بسٹرفلم ’پٹھان‘ کو بھی پیچھے چھوڑ سکتی ہے۔

یہ بھی پڑھیں: سلمان خان کی فلم”ٹائیگر3″کی ریلیزہونے کی تاریخ آگئی
بھارتی میڈیا ذرائع نے دعویٰ کیا ہے کہ ’جوان‘ اداکار شاہ رخ خان کے شوبز کیریئر میں سب سے مہنگی فلم ہوگی جس کا بجٹ300 کروڑ تک پہنچ چکا ہے۔
ذرائع نے دعوی کیا ہے کہ  شاہ رخ خان اور فلمساز ایٹلی بڑے بجٹ کی فلم کے ساتھ شائقین کیلئے سینما اسکرین پر بڑا ایکشن دکھانے کا ارادہ رکھتے تھے اسی لئے  جوان فلم میں بجٹ کو محدود نہیں کیا گیا۔
بھارتی اداکار شاہ رخ  کو علم تھا کہ ’پٹھان‘  فلم انڈین باکس آفس کو مالی  بحرانی کیفیت سے نکال دے گی اور وہ نئی فلم جوان  کو ’پٹھان‘ سے بھی زیادہ کامیاب دیکھنا چاہتے ہیں۔

یہ بھی پڑھیں: ماہرہ خان کا دوسری شادی ردعمل آگیا
کنگ خان کی فلم"جوان” میں دھماکے دار ایکشن مناظر کی شوٹنگ کیلئے گرین اسکرین لگانے کی بجائے بڑے بڑے سیٹس بنائے گئے تاکہ شائقین کو حقیقی مناظر دیکھنے کو میسر آسکیں ۔
ایکشن اور میگا تھرلر فلم "جوان” 7 ستمبر کو ریلیز کیلئے پیش کی جائے گی یاد رہے اس فلم میں دیپیکا پڈوکون کومیو جھلک بھی دکھائیں گے