یوم آزادی پربھاولپورمیوزیم میں پرچم کشائی کی تقریب
یوتھ ویژن نیوز : 76 ویں یوم آزادی کے موقع پر بہاولپور میوزیم میں پرچم کشائی کی پروقار تقریب منعقد کی گئی جس میں میوزیم سٹاف ،بچوں اور وزیٹرز نے شرکت کی ۔ ڈائریکٹر بھاولپور میوزیم محمد زبیر ربانی نے کہا کہ یوم آزادی تاریخ ساز دن ہے ۔
اس روز مسلمانوں کی طویل اور انتھک جدوجہد پر آزادی کی مہر ثبت ہوئی۔ انھوں نے کہا کہ یوم آزادی اتحاد، یکجہتی ، امن اور مساوات کا پیغام ہے جو قائد اعظم محمد علی جناح کے افکار و نظریات کا مرکزی فلسفہ ہے۔ مملکت خداداد ہمارے اسلاف کی آئین ساز جدوجہد کا وہ ثمر ہے جو ہمارے آنے والے روشن کل کی ضمانت ہے۔
یہ بھی پڑھیں: انوارالحق کاکڑ نےنگران وزیراعظم کےعہدے کاحلف اُٹھا لیا
محمد زبیر ربانی نے کہا کہ آج یوم تجدید عہد کا دن ہے کہ اپنی ثقافت اور اعلی روایات و اقدار کو فروغ دینے اور ملک کی سالمیت کے لئیے کسی بھی قربانی سے دریغ نہیں کریں گے ۔ انھوں نے کہا کہ ملت کی پاسبانی کا فریضہ اب نسل نو پر عائد یے جس کے لیے انھیں قائد اعظم کی تعلیمات اور حقیقی آزادی کی روح کے مطابق وطن عزیز کی تشکیل نو کا پر کام کرنا ہوگا۔
یہ بھی پڑھیں: انوارالحق کاکڑ نے استعفیٰ دیدیا
پرچم کشائی کے بعد ملک کی ترقی و استحکام کے لیے دعا کی گئی اور کیک بھی کاٹا گیا۔ اس موقع پر ڈائریکٹر بھاولپور میوزیم محمد زبیر ربانی نے میوزیم کی تحریک پاکستان گیلری میں مسلمانوں کی دو سو سالہ جدوجہد آزادی سے متعلق نایاب تصاویر اور کتب کی نمائش کو بھی وزٹ کیا۔
