نوجوانوں عالمی دن پر نگران وزیراعلی محسن نقوی کا پیغام جاری
یوتھ ویژن نیوز : نوجوان پاکستان کی تقدیر بدلنے کی پوری صلاحیت رکھتے ہیں:نگران وزیر اعلی محسن نقوی کا نوجوانوں کے عالمی دن پر پیغام
یہ بھی پڑھیں: تحریک انصاف غیرملکی فنڈنگ ضبطگی کیس میں الیکشن کمیشن کا تحریری حکم نامہ جاری
نگران وزیر اعلی پنجاب محسن نقوی نے نوجوانوں کے عالمی دن پر اپنے پیغام میں کہاہے کہ نوجوان پاکستان کی سب سے بڑی طاقت ہے او ریہ پاکستان کی تقدیر بدلنے کی پوری صلاحیت رکھتے ہیں۔
نوجوان ہمارے معاشرے کا روشن مستقبل اور کل کے رہنما ہیں۔نوجوانوں کو بااختیار بنانے کے لئے وسائل کی فراہمی تابناک مستقبل کے لئے سود مند سرمایہ کاری ہے۔
محسن نقوی نے کہا کہ نوجوانوں کے لیے ایسے ماحول کو پروان چڑھانا ہے جہاں وہ اپنی تخلیقی صلاحیتوں کے بل بوتے پر ملکی ترقی میں اپنا حصہ ڈال سکیں۔حکومت پنجاب نوجوانوں کو سکلڈ تعلیم و تربیت، روزگار اور وظائف سمیت مختلف مواقع فراہم کر رہی ہے۔
پاکستان کی آبادی کا بڑا حصہ نوجوانوں پر مشتمل ہے،کسی بھی ملک کی ترقی میں نوجوان کلیدی کردار ادا کرتے ہیں۔محسن نقوی نے کہا کہ پاکستانی نوجوانوں نے زندگی کے ہرشعبے میں اپنی خداداد صلاحیتوں سے ملک کا نام روشن کیا ہے۔
