لبنان میں سنسر شپ اور کویت نے فلم "باربی” کوغیرقانونی قرار دے دیا
یوتھ ویژن نیوز : کویت کے برعکس، جہاں "باربی” کو غیر قانونی قرار دیا گیا ہے، لبنان کے وزیر ثقافت نے درخواست کی ہے کہ ہم جنس پرستی کو فروغ دینے والی اس فلم کو سنسر کیا جائے۔
کویت کی سرکاری خبر رساں ایجنسی کونا کے مطابق کویت نے عوامی اخلاقیات اور سماجی رسوم و رواج کے تحفظ کے لیے فلم باربی پر پابندی کا اعلان کیا ہے۔
یہ بھی پڑھیں: میوزک انڈسٹری کیلئے خوشخبری وفاقی کابینہ نےپہلی میوزک پالیسی کی منظوری دے دی
لبنان کے ایک وزیر محمد مرتضیٰ نے حکام سے کہا ہے کہ وہ اس فلم کو سینما گھروں میں دکھانے سے منع کریں کیونکہ یہ "ہم جنس پرستی کو فروغ دیتی ہے۔” انہوں نے درخواست کی ہے کہ لبنانی وزارت داخلہ کی طرف سے وہاں باربی ڈولز کی فروخت اور نمائش کو غیر قانونی قرار دینے کے لیے تمام ضروری اقدامات کیے جائیں۔
کویت کی وزارت اطلاعات کے ایک ترجمان نے کہا کہ یہ فلم "ایسے خیالات اور عقائد کو فروغ دیتی ہے جو کویتی معاشرے اور امن عامہ کے لیے اجنبی ہیں۔”
وارنر برادرز کی یہ فلم ریلیز ہونے کے بعد سے دنیا بھر میں اب تک ایک ارب ڈالر کا کاروبار کرچکی ہے
دوسری طرف لبنانی وزیر ثقافت محمد مرتضی کا کہنا ہے کہ یہ فلم ہم جنس پرستی اور ٹرانس سیکسولیٹی کو فروغ دیتی ہے۔ والد کی سرپرستی کو مسترد کرنے کی وکالت کرتی ہے، ماں کے کردار کو مجروح اور تضحیک کرتی ہے اور شادی اور خاندان کی ضرورت پر سوال اٹھاتی ہے۔
فلم باربی پر ویت نام نے پہلے ہی پابندی لگا دی ہے حالانکہ اس نے یہ پابندی ایک فرضی نقشے کی وجہ سے لگائی ہے جس میں متنازع جنوبی بحیرہ چین کو چین کے علاقے کے طورپر دکھایا گیا ہے۔ جبکہ فلپائن نے بھی ایک دو پابندیوں کے ساتھ فلم دکھانے کی اجازت دی ہے ۔