پاکستان کا چین کی شراکت سےاپنی الیکڑک کار متعارف کروانے کا فیصلہ

 پاکستان نے چین کی شراکت سے اپنی الیکٹرک کار متعارف کروانے کا فیصلہ کیا ہے۔

یہ بھی پڑھیں: پی ڈی ایم حکومت کے سوا سال میں 500ارب کی بجلی چوری کا انکشاف

رپورٹ کے مطابق چین کی شراکت داری سے خیبر پختونخوا کے علاقے حطار میں الیکٹرک کار کا پلانٹ لگایا جائے گا۔پاک چین آٹو موبائل برانڈ اسلام آباد میں اپنی پہلی الیکٹرک کار کی لانچ کرے گا۔الیکٹرک کار کی مینوفیکچرنگ نومبر 2023 میں شروع ہوگی اور جنوری 2024 میں ای وی کی بکنگ کا عمل شروع ہوگا۔

پہلے مرحلے میں 2 دروازے اور 4 دروازوں والی الیکٹرک کاریں متعارف کرائی جائیں گی۔گاڑیوں میں 1 لاکھ کلومیٹر یا 4 سال کی وارنٹی کے ساتھ لیتھیم بیٹری ہوگی،دوسرے مرحلے میں منی پک اپس اور 2 وہیلر بائیک خاص طور پر خواتین کیلئے لانچ کرنے کا منصوبہ ہوگا۔2 دروازوں والی الیکٹرک کار ایک بار چارج کے ساتھ 225 کلومیٹر تک سفر کرے گی اور4 دروازوں والی الیکٹرک کار ایک چارج پر 350 کلومیٹر تک سفر کر سکتی ہے

یہ بھی پڑھیں: T-20 ورلڈ کپ: پاک بھارت میچ کی تاریخ تبدیل ہونے کا امکان

5 ملین ڈالر کا پاک چین مشترکہ منصوبہ دو سے پانچ سالوں میں 100 فیصد ٹیکنالوجی کی منتقلی مکمل کرلے گا۔مینوفیکچرنگ مصنوعات یورپ اور ترکی سمیت کئی ممالک اور خطوں کو برآمد کی جائیں گی،الیکٹرک گاڑیاں متوسط اور نچلے متوسط طبقے کیلئے فروخت کی جائیں گی۔