T-20 ورلڈ کپ: پاک بھارت میچ کی تاریخ تبدیل ہونے کا امکان
آئی سی سی ورلڈکپ میں پاک بھارت میچ کے ری شیڈول ہونے کا امکان ہے۔
رپورٹ کے مطابق اکتوبر میں ہونے والے آئی سی سی ورلڈکپ میں پاک بھارت میچ کے ری شیڈول ہونے کا امکان ہے۔ ہندو تہوار نوراتری کی وجہ سے بھارتی سکیورٹی اداروں نے احمد آباد کے میچ کی تاریخ بدلنے کا مشورہ دیا ہے، جس کی وجہ سے 15 اکتوبر کا میچ ری شیڈول ہوسکتا ہے۔
یہ بھی پڑھیں: الیکشن ایکٹ 2023کا بل پارلیمنٹ سےکثرت رائے منظور
احمد آباد میں روایتی انداز میں ہندو برادری اپنی رسومات ادا کرتی ہیں، سکیورٹی اداروں نے مذہبی تہوار کی وجہ سے ہائی پروفائل میچ کی سکیورٹی مشکل قرار دی ہے۔ 15 اکتوبر کو نوراتری کا پہلا دن ہوگا اور اس دن گجرات بھر میں گربا کھیلا جاتا ہے جس کی وجہ سے بہت ہجوم ہوتا ہے جس وجہ سےسکیورٹی اداروں نے میچ کی تاریخ تبدیل کرنے کا مشورہ دیا ہے
بھارتی کرکٹ بورڈ کا کہنا ہے کہ سکیورٹی اداروں کے مشورے کے بعد اب ہم مختلف آپشنز پر غور کررہے ہیں، حتمی تاریخ کا اعلان جلد کردیا جائے گا۔
یہ بھی پڑھیں: مہندرا سنگھ دھونی کیا کرنے والے ہیں؟ بیوی ساکشی نے سب بتا دیا
بی سی سی آئی آفیشلز کا کہنا ہےکہ ہمیں سکیورٹی ایجنسیوں کی طرف سے بتایا گیا ہے کہ پاک بھارت جیسی ہائی پروفائل گیم جس کے لیے ہزاروں شائقین سفر کرکے احمد آباد پہنچیں گے نوراتری کی وجہ سے متاثر ہوسکتا ہے۔ پاک بھارت میچ اتوار کی بجائے 14 اکتوبر یعنی بروز ہفتے کو ہوسکتا ہے لیکن میچ ایک روز پہلے کرنے کی صورت میں پاکستان کو لاجسٹک مسائل ہوسکتے ہیں ۔